Premanand Maharaj
नवी दिल्ली : नवीन वर्षाच्या सुरुवातीपूर्वीच देशाच्या कानाकोपऱ्यातून लाखो लोक विविध धार्मिक स्थळे आणि मंदिरांमध्ये दर्शनासाठी पोहोचत आहेत. या निमित्ताने काही भक्त वृंदावनचे प्रसिद्ध धर्मगुरू प्रेमानंद महाराज यांच्या दर्शनासाठीही पोहोचले असून त्यांनी नवीन वर्षाशी संबंधित काही प्रश्न विचारले.
एका महिला भक्ताने महाराजांना विचारले, " येणाऱ्या नवीन वर्षात आम्ही कोणकोणत्या नियमांचे पालन केले पाहिजे?" या प्रश्नाचे उत्तर देताना प्रेमानंद महाराजांनी सर्वांना आठवण करून दिली की, नवीन वर्ष म्हणजे केवळ उत्सव साजरा करणे किंवा पार्टी करणे नव्हे, तर ही स्वतःच्या जीवनात सुधारणा करण्याची, वाईट कर्मे सोडण्याची आणि चांगली कर्मे स्वीकारण्याची संधी आहे. महाराज म्हणाले की, "या नवीन वर्षात पाप आणि वाईट आचरण सोडून देवाच्या भक्तीवर आणि परोपकारावर लक्ष केंद्रित केले पाहिजे, जेणेकरून जीवनात खरी समृद्धी आणि सुख-शांती टिकून राहील."
प्रेमानंद महाराजांनी सांगितले की, दारू पिणे, मांस खाणे, हिंसा करणे आणि व्यभिचार करणे हे नरकाचे दरवाजे उघडणारे मार्ग आहेत. त्यांच्या मते, काही लोक नवीन वर्षाच्या उत्साहात या गोष्टींचा आनंद घेतात, पण हा खरा आनंद नाही. महाराज म्हणाले, "'हॅप्पी न्यू इयर' म्हणत दारू पिणे आणि घाणेरडी कामे करणे म्हणजे आनंद नसून दुःख आणि पापाचे कारण आहे."
त्यांनी लोकांना आवाहन केले की, नवीन वर्षाच्या सुरुवातीला व्यसने आणि पाप सोडा आणि जीवनाला धर्म व भक्तीच्या मार्गावर घेऊन जा. नवीन वर्षात जीवन सुधारण्यासाठी आणि आनंदी होण्यासाठी प्रेमानंद महाराजांनी काही महत्त्वाचे संकल्प सांगितले आहेत:
दारू पिणे सोडा आणि मांसाहाराचा त्याग करा.
परस्त्रीबद्दल मनात येणारे चुकीचे विचार सोडा.
क्रोध, चोरी, हिंसा आणि इतर वाईट कर्मांपासून दूर राहा.
नामस्मरण आणि देवाची भक्ती करा.
दानधर्म आणि इतरांना मदत करा.
