Jai Patil Nursing Student Death: नर्सिंगच्या पहिल्या वर्षात शिकणाऱ्या जय पाटीलनं भावनिक नोट लिहून आपलं जीवन संपवल्याचा धक्कादायक प्रकार अहमदाबादमध्ये घडला. २१ वर्षाचा जय पाटील नादियाद येथील दिनशा पटेल नर्सिंग कॉलेजमध्ये शिकत होता. त्यानं सोमवारी आपल्या मांजीपुरा येथील राहत्या घरात गळफास घेऊन स्वतःचं जीवन संपलं.
जय पाटीलनं हे टोकाचं पाऊल उचण्यापूर्वी आपल्या आईला एक भाविक पत्र लिहिलं होतं. त्यात जय पाटील दावा करतो की त्याने कधीही त्यांच्या कोणत्याही महिला प्रोफेसरचे बॉडी शेमिंग केलेले नाही. त्याला चुकीच्या पद्धतीनं या प्रकरणात गुंतवण्यात आलाचा आरोप देखील त्यानं पत्रात केला आहे. या प्रकरणामुळं अहमदाबादधील नर्सिंग कॉलेजमध्ये एकच खळबळ उडाली आहे.
जय पाटीलने तीन महिन्यापूर्वीच या नर्सिंग कॉलेजमध्ये प्रवेश घेतला होता. दरम्यान, घडल्या प्रकारानंतर पोलीस जय पाटीलच्या पत्राच्या आधारे तपास करत आहेत. जय पाटीलने आपल्या पत्रात त्याच्याबद्दल पसरवण्यात आलेला गैरसमज आणि अपमानित करण्यात आल्याने खूप दुःखी होता. त्यानं आपल्या पत्रात कोणताही पुरावा नसताना त्याच्यावर बॉडी शेमिंग केल्याचे आरोप करण्यात आले आहेत.
दरम्यान, जयचे वडील विजय पाटील यांनी कॉलेज प्रशासनावर गंभीर आरोप केले आहेत. त्यांनी माझ्या मुलाला मुद्दाम एकाकी पाडलं गेलं आणि त्याच्यावर दबाव निर्माण होईल अशी परिस्थिती निर्माण केली गेली असा आरोप केला. त्यांनी पोलिसांना सांगितलं की त्यांनी काही दिवसांपूर्वी कॉलेजमध्ये फोन केला होता आणि त्यावेळी कॉलेजने तुमचा मुलगा हा 'अंडर वॉच' आहे. त्याच्यामध्ये सुधारणा झाली नाही तर त्याचं लिव्हिंग सर्टिफिकेट जारी करण्यात येईल अशी धमकी दिली होती.'
विजय पाटील पुढे म्हणाले, 'शिक्षकांनी माझ्या मुलाला एकाकी पाडलं होतं. तो गेल्या तीन दिवसांपासून अत्यंत दबावात होता. तो डिप्रेशनमध्ये गेला होता.' विजय पाटील यांनी त्यांच्या मुलाच्या मृत्यूला जे कोणी जबाबदार आहेत त्यांच्याविरूद्ध कायदेशीर कारवाई करण्यात यावी अशी मागणी केली आहे.
दरम्यान, कॉलेज प्रशासनानं त्यांनी काही चुकीचं केलेलं नाही असा दावा केला आहे. ज्यावेळी जय विरूद्ध शिक्षिकेने तक्रार केली अन् मर्यादेचे उल्लंघन झाल्याचे वाटल्यानंतर कॉलेजनं यामध्ये हस्तक्षेप केला. असं वक्तव्य नर्सिंग कॉलेजचे प्राचार्य विरेंद्र जैन यांनी केलं. त्यांनी कॉलेजने जयने टोकाचं पाऊल उचलल्यावर या प्रकरणाची चौकशी करण्यासाठी अंतर्गत उच्च स्तरीय समिती स्थापन करण्यात आली आहे असं सांगितलं.
या प्रकरणाबाबत सर्व शिक्षक आणि स्टाफची स्टेटमेंट रेकॉर्ड करण्यात आली आहेत. यात ज्या तीन महिला प्रोफेसर नेहमी वर्ग सांभाळत होत्या त्यांचा देखील समावेश आहे.
जैन म्हणाले की, 'ही घटना घडण्यापूर्वी दोन आधी कॉलेज प्रशासनाने विद्यार्थ्याच्या आईसोबत मिटिंग केली होती. त्यात आम्ही विद्यार्थ्याचे समुपदेशन करून हा विषय सोडवण्याचा प्रयत्न केला होता. ज्यावेळी विद्यार्थी आणि शिक्षक यांच्यातील मर्यादेचे उल्लंघन झाले. त्यानंतर शिक्षकांनी यात हस्तक्षेप केला. याबाबत सुधारित कारवाई किंवा मानसिक छळाचा विषय असेल त्याचा तपास समिती करेल.'
नादियाद शहर पोलीसांनी या प्रकरणी अपघाती निधन अशी केस दाखल केली आहे. मोबाईल फोन रेकॉर्ड्स तपासले जात असून कुटुंबातील सदस्य आणि कॉलेज स्टाफ यांची स्टेटमेंट रेकॉर्ड करण्याची प्रक्रिया सुरू करण्यात आली आहे.
