GDP : आशियाई विकास बँकेकडून जीडीपी दर ७ टक्क्यांखाली राहण्याचा अंदाज
नवी दिल्ली; पुढारी वृत्तसेवा : आशियाई विकास बँक अर्थात एडीबीने चालू आर्थिक वर्षातील देशाच्या जीडीपी (GDP) दराच्या अंदाजात घट केली आहे. भारताचा जीडीपी दर 7.2 टक्के राहील, असे भाकित याआधी एडीबीने वर्तविले होते. हा अंदाज आता 7 टक्क्यांपर्यंत खाली आणण्यात आला आहे.
कठोर पतधोरण आणि वाढती महागाई याचा परिणाम देशाच्या अर्थव्यवस्थेवर पडणे अपरिहार्य असल्याचे एडीबीने आपल्या ताज्या अहवालात नमूद केले आहे. चालू आर्थिक वर्षाच्या पहिल्या तिमाहीत जीडीपी दर साडेतेरा टक्के इतका नोंदविला गेला होता; मात्र उर्वरित तीन तिमाहीत विकासाची ही गती कायम राहण्याची शक्यता कमी आहे. (GDP)
वस्तू आणि सेवांच्या मागणीतील घट, जागतिक मागणीवर पडत असलेला प्रभाव व इंधनाचे चढे दर याचा अर्थव्यवस्थेवर परिणाम होत असल्याचे एडीबीने नमूद केले आहे. दरम्यान, चीनचा विकास दर पाच टक्क्यांच्या ऐवजी 3.3 टक्के दराने होईल, असेही एडीबीने आपल्या अहवालात म्हटले आहे. (GDP)
ADB has lowered its 2022 economic growth outlook for India, amid sluggish global demand and tightening of monetary policy to manage inflationary pressures from elevated prices for oil and other commodities. #ADOU Read more: https://t.co/mJHqC1rXj6
— ADB India (@ADB_INRM) September 21, 2022
अधिक वाचा :