सोनाली फोगाट मृत्यू प्रकरणात नवा ट्विस्ट, तिच्या शरीरावर आढळल्या 46 जखमांच्या खुणा
पुढारी ऑनलाइन डेस्क : माजी बिग बॉस स्पर्धक आणि भाजप नेत्या सोनाली फोगाटच्या धक्कादायक मृत्यूमुळे तिचे कुटुंब आणि मित्र शोकाकुल झाले आहेत. गोव्यात तिचा मृत्यू झाल्यानंतर काही दिवसांनी या प्रकरणाला नवे ट्विस्ट आणि वळण मिळाले. सोनाली यांच्या शरीरावर 46 जखमांच्या खुणा असल्याचे गोवा वैद्यकीय पथकाच्या जवळच्या सूत्रांकडून समजले आहे. मात्र, गोवा पोलिसांनी मृतदेह शवविच्छेदनासाठी पाठवला, तेव्हा अशा कोणत्याही जखमा झाल्याचा उल्लेख नव्हता. फॉरेन्सिकशी संबंधित डॉक्टर सोनालीला ड्रग्ज सेवनाच्या अधीन होत्या का यावर विचार करत आहेत.
गोव्याच्या वैद्यकीय पथकाच्या डॉक्टरांनी सोनाली फोगटसाठी मेटाबोलिटीज चाचणी करण्याचा सल्ला दिला होता, परंतु आवश्यक उपकरणांच्या अभावामुळे ही चाचणी होऊ शकली नाही, अशी माहिती सूत्रांकडून मिळाली आहे. ही व्हिसेराची एक महत्त्वाची चाचणी आहे आणि सत्य प्रकट करण्यात मोठी भूमिका बजावते.
याशिवाय गोवा पोलीस, सुधीर सांगवान यांच्या पासपोर्टचीही तपासणी करत आहेत. किंबहुना त्याच्या पासपोर्टचे व्हेरिफिकेशन ज्या ठिकाणी झाले होते, तेथेही पोलीस जाणार आहेत. त्याच्या पासपोर्टमध्ये काही विसंगती आढळल्यास, गोवा पोलीस त्याच्याविरुद्ध भारतीय दंड संहिता (IPC) कलम 467 अंतर्गत दुसरा गुन्हा नोंदवू शकतात.
दुसर्‍या एका घडामोडीत, सोनाली फोगट मृत्यूप्रकरणी एका व्यक्तीला ताब्यात घेण्यात आले होते. कुटुंबाने मृत भाजप नेत्याच्या फार्महाऊसमधून लॅपटॉप आणि मोबाइल घेतल्याचा आरोप केल्यानंतर. हरियाणा पोलिसांनी या वस्तू जप्त केल्या असून त्यानंतर चौकशी सुरू आहे. एएनआयच्या वृत्तानुसार, या प्रकरणाच्या पुढील तपासासाठी गोवा पोलीस आज राज्यात पोहोचले.
हिसार येथील माजी टिक टॉक स्टार आणि रिअॅलिटी टीव्ही शो 'बिग बॉस' मधील स्पर्धक असलेल्या फोगटला तिच्या दोन पुरुष साथीदारांसह किनारपट्टीच्या राज्यात आल्यानंतर 23 ऑगस्ट रोजी उत्तर गोव्यातील रुग्णालयात मृत आणण्यात आले.
हे ही वाचा:
