सरला ठकराल यांनी १९३६ मध्ये भरारी घेत घडवला होता इतिहास
पुढारी ऑनलाईन डेस्क : घराचा उंबरठा ओलांडण्यासाठी महिलांना परवानगी घ्यावी लागत असे, असा तो काळ होता. यावेळी महिलांना एखाद्या वाहनात बसणे हेही स्वप्नवत हाेते. या काळात एक महिला अवकाशात भरारी घेते हेच सर्वांना अचंबित करणारे ठरलं. तिने केवळ विमानात बसून प्रवास केला नाही तर स्वत: विमान चालवलं. १९३६मधील या घटनेने समस्त पुरुषप्रधान व्यवस्था आवाक झाली होती. अशी ऐतिहासिक कामगिरी नाेंदविणार्या देशातील पहिल्या महिला वैमानिक होत्या सरला ठकराल. आज त्यांची १०७ वी जयंती. यानिमित्त गुगलने डूडल साकारुन सरला ठकराल यांच्या ऐतिहासिक कामगिरीचे स्मरण केले आहे.
- टेटर फंडिंग केस : जम्मू -काश्मीरमध्ये ‘एनआयए’चे १४ जिल्ह्यांत ४५ ठिकाणी छापे
- गटारी स्पेशल : सणात सण गटारीचा सण, अरे तळीरामा…
सरला यांचा जन्म ८ ऑगस्ट १९१४ रोजी दिल्लीत झाला. त्यांचा विवाह पी. डी. शर्मा यांच्याशी झाला. ते वैमानिक होते. पतीकडून त्यांना प्रोत्साहन मिळाले.
आपल्या पतीपासून प्रेरणा घेवून त्यांना वैमानिक होण्याचे स्वप्न पाहिले. ते वास्तवात उतरविण्यासाठी त्यांनी लाहौर प्लाइंग क्लबमध्ये प्रवेश घेतला. त्यांनी एक विमानही खरेदी केले होते. ‘अ’ श्रेणीचे लायसन्स मिळविण्यासाठी एक हजार तासांचे उड्डाणही पूर्ण केले. यानंतर त्यांना वैमानिक लायसन्स मिळाले.
- बॉम्ब अफवा : गटारीच्या पार्टीत दारु ढोसली आणि बॉम्ब ठेवल्याचा फोन केला!
- tokyo olympic medal : ऑलिम्पिक पदकवीरांवर बक्षिसांची लयलूट; राज्यांपासून उद्योगपतींपर्यंत हात सरसावले
आता अवकाशावर केवळ पुरुषांचा अधिकार नाही…
१९३६ साली वयाच्या २१व्या वर्षी एक जिप्सी मोथ जातीचे विमान सरला यांनी साडी नेसून उडवले हाेते.
त्यांनी विमान उड्डाण केले. यावेळी त्यांना चार वर्षांची एक मुलगीही होती.
यावेळी त्यांच्या ऐतिहासिक कामगिरीचे वृतपत्रांनी प्रशांसा तर केलीस त्याचबरोबर आता अवकाशावर केवळ पुरुषाचा अधिकार नाही, असे स्पष्ट करत भविष्यातील महिला युगाच्या नांदीचे संकेतही दिले होते.
चित्रकलेचा छंदही जोपासला…
दुसर्या महायुद्धानंतर त्यांनी लाहौरमधील मेयो स्कूल ऑफ आर्ट्समध्ये ललित कला आणि चित्रकलेचे अध्ययन केले.
दिल्लीत परतल्यानंतरही त्यांनी आपला चित्रकेलेलचा छंद जोपासला. तसेच डिझायनिंग ज्वेलरीमध्येही त्यांनी करिअर केले.
देशातील पहिल्या महिला वैमानिक सरला यांनी केवळ इतिहास घडवला नाही तर देशातील मुलींना स्वप्न वास्तवात उतरवून अवकाशात भरारी मारण्याचा आत्मविश्वास दिला.
हेही वाचलं का ?
- Mobile : मोबाईलची बॅटरी लाईफ कशी वाढवाल? या ट्रिक्स वापरा !
- दहावी आणि बारावी च्या निकालापासून धडा
- गणेशोत्सवावर कोरोनाचे निर्बंध, पण विसर्जन जय्यत तयारी