petroleum minister : दारुपेक्षा इंधनावरील कर कमी करा: पेट्रोलियम मंत्र्यांचा राज्य सरकारला टोला
पुढारी ऑनलाईन डेस्क : वाढत्या इंधनावरुन केंद्र सरकार व बिगर भाजपशासित राज्यांमध्ये चांगलीच जुंपली आहे. बुधवारी पंतप्रधान नरेंद्र मोदी यांनी बिगर भाजप शासित राज्यांनी पेट्रोल आणि डिझेलवरील कर कमी करुन सर्वसामान्यांना दिलासा द्यावा, अशी मागणी केली होती. यानंतर आज पेट्रोलियम मंत्री हरदीप सिंग पुरी यांनी पेट्रोल आणि डिझेलवरील ‘व्हॅट’ कमी करण्यावरुन राज्य सरकारला टोला लगावला. यावेळी त्यांनी अन्य राज्यांशी दराची तुलना करणारे आकडेवारीच जाहीर केली आहे.
पेट्रोलियम मंत्री हरदीप सिंग पुरी यांनी म्हटलं आहे की, सरकारने दारुपेक्षा इंधनावरील कर कमी केला तर पेट्रोल आणि डिझेल हे स्वस्त होईल. महाराष्ट्र सरकार पेट्रोलवर ३२.१५ रुपये प्रति लिटर व्हॅट आकारत आहे. तर काँग्रेस शासित राजस्थान २९.१० रुपये प्रति लिटर व्हॅट आकारते. तर भाजपशासित उत्तराखंड आणि उत्तर प्रदेशमध्ये अनुक्रमे १४.५१ आणि १६.५० रुपये प्रति लिटर व्हॅट आकारला जात आहे. सर्वसामान्य नागरिकांना दिलासा देण्यासाठी बिगर भाजपशासित राज्यांनी तत्काळ पावले उचलावीत.
petroleum minister : महागाईत भरडणार्या जनतेला दिलासा द्या
महाराष्ट्र सरकार इंधनावर कर रुपात मोठी रक्कम वसूल करत आहे. महाराष्ट्र सरकारने २०१८ मध्ये इंधनावरील करातून ७९ हजार ४१२ कोटी रुपये मिळवले. यावर्षी ३३ हजार कोटी रुपये कर रुपात मिळण्याची शक्यता आहे. राज्य सरकारने महागाईत भरडत असणार्या जनतेला दिलासा देण्यासाठी इंधनावरील व्हॅट का कमी केला नाही, असा सवालही त्यांनी केला.
The truth hurts, but facts speak for themselves.
Maharshtra Govt has collected ₹79,412 crore as fuel taxes since 2018 & is expected to collect 33,000 cr this year. (Adding up to a whopping ₹1,12,757 cr). Why did it not reduce VAT on petrol & diesel to provide relief to people?— Hardeep Singh Puri (@HardeepSPuri) April 28, 2022
हेही वाचा :
- सातारा : तहानलेल्या पक्ष्यांसाठी पाणवठ्यांचा गारवा पक्षीप्रेमींचा पुढाकार : ग्रामीण भागांतही छोटे-मोठे पाणवठे
- नाशिक : अडीच वर्षांत मनपासाठी किती निधी आणला? ; गिरीश महाजनांचा भुजबळांवर निशाणा
- पुणे : शंकर महाराज उड्डाण पुलावर एसटीचा भीषण अपघात; ७ ते ८ गाड्यांना उडवले, वाहतुकीची कोंडी