Amit Shah यांनी निवडणूक आयोगाचे नियम बसवले धाब्यावर
लखनऊ; पुढारी ऑनलाईन : उत्तर प्रेदशातील विधानसभा निवडणुकीतील ( UP Assembly elections 2022 ) प्रचाराचा पारा शनिवारी चढताना पहायला मिळाला. गृहमंत्री अमित शहा ( Amit Shah ) यांनी कैराना मतदारसंघातील घराघरात जाऊन प्रचार केला. यावेळी त्यांनी भाजपला मतदान करण्याचे आवाहन केले. तसेच त्यांनी पत्रकांचे वाटप करत मतदारांचे आभार देखिल व्यक्त केले. पण या सगळ्यात त्यांनी कोरोना नियमांना फाट्यावर बसवले. प्रचार करताना त्यांनी मास्क लावला नाही तसेच सोशल डिस्टन्सींगचा फज्जा उडवत कोरोना नियमावलींना केराची टोपलीच दाखवली.
कैराना (पश्चिम उत्तर प्रदेश) में भाजपा के घर-घर संपर्क अभियान के अंतर्गत लोगों से संपर्क करते हुए… #हर_घर_भाजपा https://t.co/QaPOk03EhG
— Amit Shah (@AmitShah) January 22, 2022
निवडणूक आयोगाने फक्त पाचच लोकांना घराघरात जाऊन प्रचार करण्याची परवानगी दिली आहे. पण, अमित शाह ( Amit Shah ) यांनी मोठ्या लवाजम्यासह प्रचार करताना आढळले. यावेळी मोठ्या प्रमाणात सुरक्षा यंत्राना तैनात करण्यात आली होती. अमित शाह यावेळी पक्षांच्या पदाधिकारी आणि कार्यकर्त्यांसह अनेक चिंचोळ्या गल्ल्यांतून प्रचार करत फिरले. यावेळी पक्षाच्या कार्यकर्त्यांनी जोरदार घोषणाबाजी देखिल केली.
वीज बिल कमी करण्याचा पर्याय झाला आणखी सोपा, जाणून घ्या मोदी सरकारने काय केली घोषणा
अमित शाह ( Amit Shah ) यांनी यावेळी अनेक लोकांशी संवाद साधला. देशाचे गृहमंत्री असून त्यांनी कोरोनाचे सर्व निर्बंधांना तोडत मोठ्या कार्यकर्त्यांच्या उपस्थितीत प्रचार केला. शाह यांना पाहण्यासाठी देखिल नागरिकांची झुंबड उडाली होती. त्यामुळे एकूणच यंत्रणेचा बोजवार उडालेला पाहण्यास मिळाला. गृहमंत्रीच प्रचारात अग्रेसर असल्याचे पाहून कार्यकर्त्यांनी प्रचार रॅलीला एखाद्या उत्सवाच्या मिरवणुकीत बदलवून टाकले.
अधिक वाचा :
- सामंथा रुथ प्रभू हिची लक्झरी लाईफ; या गोष्टींतून मिळवले कोट्यवधी रुपये
- गायक रोहित राऊत-जुईली जोगळेकर यांचा साखरपुडा (Photo)
- रोहित-फरहानचे मिशन फ्रंटलाईन
अभिनेत्री सामंथा रुथ प्रभूने या गोष्टींतून मिळवले कोट्यवधी रुपये https://t.co/MVlpUUtCWS #pudharinews #pudharionline #Samantha
— Pudhari (@pudharionline) January 22, 2022