गोंदिया, पुढारी वृत्तसेवा : गोरेगाव तालुक्यातील म्हसगाव येथील ढिवरू इसन इळपाचे (वय ५५) हा घरी झोपलेला असताना अज्ञातांनी त्याच्या घरात प्रवेश करून धारदार शस्त्राने त्याची हत्या केल्याची घटना गुरुवार (दि. २) सकाळी उघडकीस आली होती. विशेष म्हणजे, शेजारीच लग्नाचा आशिर्वाद समारंभ असताना हे हत्याकांड घडवून आणल्याने आरोपीला पकडण्याचा मोठा प्रश्न पोलिसांपुढे निर्माण झाला होता. मात्र, दोन दिवसांतच पोलिसांनी याचा छडा लावला असून मृताचा काकेभाऊच त्याचा खूनी असल्याचे समोर आले आहे. तर जमिनीच्या वादातून त्याचा खून केल्याची कबुली त्याने पोलिसांना दिली आहे. विरेंद्र बेनीराम इळपाचे (वय २८ रा.म्हसगाव ) असे त्या आरोपी काकेभावाचे नाव आहे.
