ठाणे : तिकीट विचारले म्हणून 'टीसी'वर प्रवाशाचा ब्लेडने हल्ला
डोंबिवली, पुढारी वृत्तसेवा : मध्य रेल्वेच्या आंबिवली रेल्वे स्थानकात प्रवाशाकडे तिकीट विचारले म्हणून टीसीवर ब्लेडने वार केल्याची धक्कादायक घटना आंबिवली स्थानकातील प्लॅटफॉर्मवर घडली. जखमी टीसीला प्रथम उपचार करून कल्याण रेल्वे रुग्णालयात दाखल करण्यात आले आहे.
पोलिसांनी दिलेल्‍या माहितीनुसार, सुनील गुप्ता असे जखमी टीसीचे नाव आहे. आज सकाळी नऊच्या सुमारास आंबिवली स्थानकातील प्लॅटफॉर्मवर टीसी गुप्ता हे तिकीट तपासत होते.यावेळी एका प्रवाशाला त्यांनी तिकीट दाखवायला सांगितले. त्यावेळी प्रवाशांने खिशातले ब्लेड काढत त्यांच्या मानेवर वार केला. या हल्ल्यात जखमी झालेल्या गुप्ता यांना तात्काळ रेल्वेच्या रुग्णालयात दाखल केले असून त्यांच्यावर उपचार सुरू आहेत. या प्रकरणी अज्ञात हल्लेखोराविरोधात कल्याण लोहमार्ग पोलीस ठाण्यात गुन्हा दाखल केला आहे. पोलीस सीसीटीव्हीच्या सहायाने हल्लेखोराचा शोध घेत आहेत.
हेही वाचा :
- पाच वर्षात ४ लाख कोटींहून अधिक रुपयांची कर्ज वसुली : लोकसभेत केंद्रीय अर्थमंत्र्यांची माहिती
- नागपूर : आपल्या तान्हुल्यासह हिवाळी अधिवेशनासाठी आलेल्या आमदार अहिरेंचे मुख्यमंत्र्यांकडून कौतुक
- राजधानीत थंडीचा कडाका वाढला; वायू गुणवत्ता निर्देशांक अत्यंत खराब श्रेणीत