ऊसतोडणी मजुरासह बालकाचे अपहरण; तिघांवर गुन्हा दाखल

विटा : ऊसतोडणी मजुरासह एका बालकाचे बीड जिल्ह्यातील व्यक्‍तींनी अपहरण केल्याची घटना 17 एप्रिल रोजी (रा. भाग्यनगर, ता. खानापूर) येथे घडली होती. याप्रकरणी मंगळवारी ऊसतोड मजूर कमल पिनू माळी (मूळ रा. ब्राह्मणी, ता. राहुरी, जि. अहमदनगर, सध्या रा. भाग्यनगर, ता. खानापूर) यांनी विटा पोलिसात फिर्याद दिली आहे.

• प्राजक्ता माळीची राज ठाकरेंसाठी भोंग्यावर पोस्ट आणि डाव अंगलट येताच 'ती' पोस्ट केली एडिट !

अनिल सहदेव सूर्यवंशी (वय 20) व विजय पिनू माळी (12) अशी अपहरण झालेल्या दोघांची नावे आहेत. याप्रकरणी हणमंत बापूराव बावळे, कल्याण बापूराव बावळे, बापूराव बावळे (तिघेही जि. बीड) यांच्याविरोधात गुन्हा नोंद झाला आहे. कमल माळी या ऊसतोड मजूर आहेत. त्या सध्या भाग्यनगर येथे ऊसतोडणीसाठी आल्या आहेत. 17 एप्रिलला त्यांचा मुलगा विजय आणि भाचा अनिल माळी हे राहत असलेल्या झोपडीपासून थोड्या अंतरावर ट्रॅक्टर जोडण्यासाठी गेले होते. त्यावेळी संशयितांनी दोघांचे अपहरण केले आहे.

हेही वाचा  

• रायगड : पालीत भर बाजारपेठेत मेणबत्ती कारखान्याला आग 
• इम्तियाज जलील : 'राज सीएम उद्धव ठाकरे यांचे भाऊ असल्याने अभय दिले जात आहे का'? 
• नागपूर : भीषण अपघातात आजोबाआणि नातवाचा ट्रकच्या चाकात येऊन मृत्यू