रायगड : पालीत भर बाजारपेठेत मेणबत्ती कारखान्याला आग

पाली (रायगड); पुढारी वृत्तसेवा : सुधागड तालुक्यातील पाली बाजारपेठेतील स्वागत हॉटेल शेजारी असलेल्या मेणबत्ती व सुगंधी द्रव्य निर्मिती कारखान्याला मंगळवारी भीषण आग लागली. या भयानक आगीत सुदैवाने कोणतीही जीवितहानी झाली नाही. दुपारी साडेतीनच्या दरम्यान आगीवर नियंत्रण मिळविण्यात यश आले. स्थानिक नागरिक, तरुण व अग्निशमन दलाच्या मदतीने आग विझविण्यात आली.

• इम्तियाज जलील : 'राज सीएम उद्धव ठाकरे यांचे भाऊ असल्याने अभय दिले जात आहे का'?

भर बाजारपेठेत असलेल्या मेणबत्ती कंपनीला अचानक आग लागल्याने पाली शहरातील शेकडो नागरिकांनी आग आटोक्यात आणण्यासाठी शर्थीचे प्रयत्न केले. मेणबत्ती कंपनीत केमिकल युक्त पदार्थ असल्याने अखेर अग्निशमन दलाच्या तीन गाड्या घटनास्थळी पोहचून अग्निशमन दलाने पाणी व फोमच्या साहाय्याने ती आग शमवली.

• बाळासाहेबांची आठवण आणि शरद पवारांना टार्गेट करत राज ठाकरे 'भोंगा' आंदोलनावर ठाम !

ही आग कशामुळे लागली याचे कारण अजून समजू शकले नाही. मात्र आगीमुळे कारखाना पूर्णपणे जळून खाक झाला. या आगीत कारखान्याचे लाखो रुपयांचे नुकसान झाले. पाली शहरातील तमाम नागरिकांनी वेळेवर आग विझवण्यासाठी धावून आल्याने सुदैवाने आजुबाजूची अनेक घरे या आगीच्या तांडवात पासून बचावली गेली.

• पन्हाळा : आसुर्ले, धबधबेवाडी परिसरात आणखी २ गवे मृतावस्थेत आढळले

पाली शहराच्या नगराध्यक्षा गीता पालरेचा, जि.प.सदस्य सुरेश खैरे, उपनगराध्यक्ष आरिफ मणियार, राजेश मपारा, तहसीलदार दिलीप रायन्नावर, पोलीस निरीक्षक विश्वजित काइंगडे, शहरातील अन्य नगरसेवक सामाजिक कार्यकर्ते यांनी घटनास्थळी पोहचत पाहणी केली.