प्रियकराच्या मदतीने आईने केला मुलाचा खून, दाेघांना अटक
आष्टा; पुढारी वृत्तसेवा : मनन सुशांत वाजे (वय साडेतीन वर्षे) याचा खूनप्रकरणी त्‍याची आई प्राची सुशांत वाजे (वय 29, रा. वाळवा, सध्या रा. मुंबई) व तिचा प्रियकर अमर विश्वास पाटील (वय 36, रा. बिळाशी ता. शिराळा, सध्या रा. मुंबई) या दाेघांना अटक करण्‍यात आली आहे. अनैतिक संबंधात अडथळा ठरत असल्याने या दाेघांनी मनन याचा खून केला. यानंतर वाकुर्डे येथे मननवर अंत्यसंस्कार करून त्याच्या मृतदेहाची विल्हेवाट लावली, अशी माहिती आष्टा पोलिस ठाण्याचे पोलिस निरीक्षक अजित सिद यांनी दिली.
याप्रकरणी अजित सिद यांनी सांगितले की, सुशांत वाजे यांना पत्नी प्राची हिचे बिळाशी येथील अमर पाटील याच्याशी अनैतिक संबंध असल्याचा संशय हाेता. अमर याने प्राचीला ऑगस्ट 2021 ते दि. 6 ऑक्टोबर 2021 या कालावधीत मुलगा मनन याच्यासह मुंबई येथे आपल्या घरी नेऊन ठेवले होते. तिथे अनैतिक संबंधास अडथळा ठरत असल्याने प्राची आणि अमर यांनी मननचा छळ सुरू केला. त्यानंतर दोघांनी मनन याचा खून केला. अमरने मननचा मृतदेह त्याच्या (एम.एच. 13 एडी 8080) गाडीतून बिळाशी (ता. शिराळा) येथे नेला. वाकुर्डे येथे मननवर अंत्यसंस्कार करून त्याच्या मृतदेहाची विल्हेवाट लावली.
मननचा मुंबई येथे मृत्यू झाला होता. तरीही संशयितांनी बिळाशी ग्रामसेवकांकडे प्रतिज्ञापत्र दाखल करून मननचा बिळाशी येथे मृत्यू झाल्याची खोटी माहिती दिली. या घटनेबाबत सुशांत वाजे यांना निनावी पत्र आल्याने त्यांनी पत्नी प्राची व तिचा प्रियकर अमर यांच्याविरोधात फिर्याद दिली हाेती, असेही सिद यांनी सांगितले.
हेही वाचलंत का?
- वाशिम : थरार! गोळीबार आणि चाकूने वार करून सराफाला लुटले, कामगाराचा मृत्यू
- नाशिक : लाचेची मागणी करणाऱ्या ग्रामसेवकाला एसीबी ने केली अटक
- सैल अंतर्वस्त्र घालणार्‍या पुरुषांमध्ये शुक्राणू १७ टक्के जास्त, संशोधनातून सिद्ध
विराटचा खुलासा, रोहित शर्माची ‘ही’ सवय… https://t.co/AAzhoHgQxq #ViratKohli #RohithSharma #pudharionline
— Pudhari (@pudharionline) December 22, 2021