रायगड : नाशिकमधील भोंदूबाबा अशोक खरात प्रकरणामुळे अडचणीत आलेल्या रुपाली चाकणकर यांच्या अडचणी दिवसेंदिवस वाढत चालल्या आहेत. अशोकखरात आणि चाकणकर यांचे रायगडमधील व्यावसायिक संबंध असल्याचा आरोप शिवसेना नेत्या सुषमा अंधारे यांनी केला आहे.
ठाकरे गटाच्या नेत्या सुषमा अंधारे यांनी नुकतीच एक पत्रकार परिषद घेतली. या पत्रकार परिषदेत सुषमा अंधारे यांनी रुपाली चाकणकर आणि सुनील तटकरे यांच्यावर गंभीर आरोप केले होते. सुनील तटकरे यांचे बालेकिल्ला असलेल्या रायगडमधील रोहा येथे निलेश चाकणकर आणि आकाश चौधरी हे बांधकाम व्यवसायात भागीदार असल्याची माहिती अंधारे यांनी दिली.
कर्मा कन्स्ट्रक्शनच्या माध्यमातून त्यांनी रोह्यातील रोठ खुर्द येथे एक बहुमजली इमारत उभी केली होती. विशेष म्हणजे, या इमारतीचे बांधकाम अनधिकृत आणि नियमबाह्य असल्याचा दावा करत भाजपचे अल्पसंख्यांक सेलचे महाराष्ट्र प्रदेश सचिव बबलू सय्यद यांनी केला होता.
