रोहे : मध्य रेल्वेने आर्थिक वर्ष 2025-26 मध्ये (डिसेंबर 2025 पर्यंत) प्रवासी वाहतूक आणि उत्पन्नात उल्लेखनीय वाढ साध्य केली आहे. मध्य रेल्वेने या आर्थिक वर्षात (डिसेंबर 2025 पर्यंत) प्रवासी भाड्यातून रु 5,881.08 कोटींची उत्पन्न मिळवले असून, गेल्या वर्षीच्या याच कालावधीत ही रक्कम रु 5,570.33 कोटी होती, ज्यामध्ये 5% पेक्षा जास्त वाढ दर्शवते.
या आर्थिक वर्षात (डिसेंबर 2025 पर्यंत) उपनगरीय सेवांमधून रु 757.12 कोटींचे उत्पन्न मिळाले असून, गेल्या वर्षीच्या त्याच कालावधीत हे उत्पन्न रु 721.70 कोटी होते. यामध्ये सुमारे 5 टक्क्यांची वाढ झाली आहे. तसेच, उपनगरी सेवांव्यतिरिक्त प्रवासी वाहतूकीतून रु.5,123.96 कोटींचे उत्पन्न मिळाले असून, गेल्या वर्षीच्या त्याच कालावधीत हे उत्पन्न रु.4,848.63 कोटी होते, यामध्ये 5 टक्क्यांहून अधिक वाढ नोंदवली आहे.
प्रवासी संख्येच्या दृष्टीने, या आर्थिक वर्षात (डिसेंबर 2025 पर्यंत) मध्य रेल्वेने 1,227 दशलक्ष प्रवाशांची वाहतूक केली असून, गेल्या वर्षीच्या त्याच कालावधीत ही संख्या 1,202 दशलक्ष होती. यामध्ये 2 टक्क्यांहून अधिक वाढ नोंदवली आहे. यामध्ये या आर्थिक वर्षात 1,073 दशलक्ष उपनगरीय प्रवाशांची वाहतूक झाली होती, गेल्या वर्षी ही संख्या 1,058 दशलक्ष होती, तर उपनगरी सेवांव्यतिरिक्त (डेमू/मेमू/मेल/ एक्सप्रेस) प्रवासी या वर्षी 154 दशलक्ष असून गेल्या वर्षी ती संख्या 144 दशलक्ष होती.
विशेष म्हणजे, डिसेंबर 2025 या एकाच महिन्यात मध्य रेल्वेने 142 दशलक्ष प्रवाशांची वाहतूक केली. यामध्ये 124 दशलक्ष उपनगरीय व 18 दशलक्ष उपनगरी सेवांव्यतिरिक्त (डेमू/मेमू/मेल/ एक्सप्रेस) प्रवासी समाविष्ट आहेत, तर गेल्या वर्षीच्या त्याच कालावधीत ही संख्या 138 दशलक्ष होती. यामध्ये 122 दशलक्ष उपनगरीय व 16 दशलक्ष उपनगरी सेवांव्यतिरिक्त (डेमू/मेमू/मेल/ एक्सप्रेस) प्रवासी होते, ज्यामध्ये 3 टक्क्यांची वाढ दर्शवली जाते.
डिसेंबर 2025 मध्ये मिळालेले एकूण उत्पन्न रु 723.27 कोटी इतके असून यामध्ये उपनगरीय सेवांमधून रु.87.58 कोटी व उपनगरी सेवांव्यतिरिक्त (डेमू/मेमू/मेल/ एक्सप्रेस) मधून रु 635.69 कोटींचा समावेश आहे, गेल्या वर्षीच्या त्याच महिन्यात हे उत्पन्न रु604.40 कोटी होते. यामध्ये सुमारे 20 टक्क्यांची वाढ नोंदवली आहे.
