शिवनगर : पुढारी वृत्तसेवा: माळेगाव कारखाना (ता. बारामती) येथील प्रभाग क्रमांक 15 वाघमोडे वस्तीमधील रस्ता एका बाजूने परिसरातील काही व्यक्तींनी तार कंपाउंड टाकून बंद केला आहे, त्यामुळे लोकांची अडचण होत असून सदरचा रस्ता तातडीने खुला करून संबंधितांवर कारवाईची मागणी ग्रामस्थांनी केली आहे. संबंधित मागणीचा तक्रार अर्ज नगरपंचायतीचे मुख्याधिकारी तसेच उपविभागीय अधिकारी बारामती यांना दिला आहे.
ज्या रस्त्यांवर शासनाच्या संबंधित विभागाकडून निधी आला आहे असे रस्ते नागरी सुविधाअंतर्गत येत असल्याने अडवले जाऊ शकत नाहीत.
– रामभाऊ वाघमोडे, ग्रामस्थ.
संबंधित रस्ता आमच्या मालकी हद्दीतून गेला आहे. सदर जागेचा आमच्याकडे शासकीय दस्तऐवज असून आम्ही आमच्या हद्दीत दीड फूट जागा सोडून तार कंपाउंड केले आहे.
– किरण बाळू गव्हाणे, ग्रामस्थ.
हेही वाचा