पुणे : पुढारी वृत्तसेवा
हॉकी इंडियाच्या 11व्या वरिष्ठ गटाच्या राष्ट्रीय हॉकी स्पर्धेत हॉकी पंजाबने विजेतेपद मिळविले. चुरशीच्या झालेल्या अंतिम लढतीत त्यांनी उत्तर प्रदेशचा शूटआऊटमध्ये 2-1 असा पराभव केला.
नियोजित वेळेत दोन्ही संघ गोलशून्यची बरोबरी तोडू शकले नाहीत. त्यानंतर घेण्यात आलेल्या शूट आऊटमध्ये पंजाबने बाजी मारली. पंजाबकडून विशाल यादव, मेहकीत सिंग, तर उत्तर प्रदेशकडून केवळ महंमद अमीर खान यालाच गोल करण्यात यश आले. पंजाबकडून रणजोत सिंग, सिंग हरताज औजला यांना गोलरक्षकाला चकवण्यात अपयश आले. उत्तर प्रदेशकडून अजय यादव, महंमद सादिक, महंमद सैफ खान आणि तरुण अधिकारी हे खेळाडू संधी साधू शकले नाहीत.
कर्नाटकने यजमान महाराष्ट्राचा 5-2 असा पराभव केला. सामन्याच्या तिसर्याच मिनिटाला यतिश कुमारने गोल करताना महाराष्ट्राचा गोलरक्षक आकाश चिकटेला चकवले. उत्तरार्धानंतर तालेबने आणखी एक गोल करून सामन्यात 2-2 अशी बरोबरी राखली.
सामन्याच्या 37 व्या मिनिटाला पवन मदिवलारने कर्नाटकला पुन्हा आघाडीवर नेले. सोमण्णा एन. डी. याने 45व्या मिनिटाला आघाडी भक्कम केली आणि 52 व्या मिनिटाला लिखित बीएमने गोल करून कर्नाटकचा विजय साकार केला.
