चाकण: खेड कृषी उत्पन्न बाजार समितीच्या येथील महात्मा फुले मार्केट यार्डमध्ये कांद्याची आवक स्थिर राहिली. भावात किंचित वाढ झाली. डांगर भोपळा, लसूण, बटाटा, भेंडी व वाटाण्याचे भाव तेजीत राहिले. पालेभाज्यांच्या बाजारात शेपू, कोथिंबीर, मेथी व पालक भाजीची मोठी आवक होऊनही भावात वाढ झाली. राजगुरुनगर येथील मुख्य बाजारात टोमॅटो, गाजर, कारली, रताळी, वांगी, फ्लॉवर, कोबी, काकडी, भोपळा, शेवगा व गवार यांची मोठी आवक झाली. एकूण उलाढाल 4 कोटी 90 लाख रुपये झाली.
कांद्याची एकूण 1 हजार 500 क्विंटल आवक झाली. गेल्या शनिवारच्या तुलनेत आवक स्थिर राहूनही भावात 200 रुपयांची वाढ झाली. कांद्याचा कमाल भाव 1,300 रुपयांवरून 1,500 रुपयांवर पोहोचला. बटाट्याची एकूण आवक 1,400 क्विंटल झाली. गेल्या शनिवारच्या तुलनेत बटाट्याची आवक 600 क्विंटलने घटून भावात 200 रुपयांची घट झाली. बटाट्याचा कमाल भाव 2,200 रुपयांवरून 2,000 स्थिरावला.
लसणाची एकूण आवक 50 क्विंटल झाली. गेल्या शनिवारच्या तुलनेत आवक 10 क्विंटलने वाढली. लसणाचा कमाल भाव 8,000 रुपयांवरून 10,000 रुपयांवर पोहोचला. हिरव्या मिरचीची एकूण आवक 325 क्विंटल झाली. हिरव्या मिरचीला 3 हजार रुपयांपासून ते 4,000 रुपयांपर्यंत भाव मिळाला. शेतीमालाची आवक व बाजारभाव पुढीलप्रमाणे - कांदा - एकूण आवक - 1,500 क्विंटल. भाव क्रमांक - 1. 1,500 रुपये, भाव क्रमांक 2. 1,000 रुपये, भाव क्रमांक 3. 700. बटाटा - एकूण आवक - 1,400 क्विंटल. भाव क्रमांक 1. 2,000 रुपये, भाव क्रमांक 2. 1,500 रुपये, भाव क्रमांक 3. 1,000 रुपये.
फळभाज्या - फळभाज्यांच्या बाजारात एकूण आवक क्विंटलमध्ये व प्रतीदहा किलोंसाठी मिळालेले भाव रुपयांत पुढीलप्रमाणे : टोमॅटो - 260 क्विंटल (2,000 ते 3,000), कोबी - 175 क्विंटल (1,500 ते 2,000), फ्लॉवर - 190 क्विंटल (1,000 ते 2,000), वांगी - 48 क्विंटल (5,000 ते 6,000), भेंडी - 58 क्विंटल (6,000 ते 8,000), दोडका - 48 क्विंटल (4,000 ते 5,000), कारली - 53 क्विंटल (4,000 ते 5,000), दुधीभोपळा - 48 क्विंटल (1,500 ते 2,500), काकडी - 64 क्विंटल (1,500 ते 2,500), फरशी - 52 क्विंटल (3,000 ते 4,000), वालवड - 68 क्विंटल (3,000 ते 5,000), ढोबळी मिरची - 128 क्विंटल (4,000 ते 6,000), चवळी - 42 क्विंटल (3,000 ते 4,000), वाटाणा - 230 क्विंटल (6,000 ते 7,000), गाजर - 170 क्विंटल (1,500 ते 2,500), गवार - 24 क्विंटल 8,000 ते 12,000), आद्रक - 150 क्विंटल ( 3,000 ते 4,000).
पालेभाज्या : पालेभाज्यांची एकूण आवक जुड्यांमध्ये व मिळालेले भाव पुढीलप्रमाणे - मेथी - एकूण 20 हजार 926 जुड्या (1,000 ते 2,000 रुपये), कोथिंबीर - एकूण 46 हजार 475 जुड्या (200 ते 670 रुपये), शेपू - एकूण 6 हजार 724 जुड्या (700 ते 1,320 रुपये), पालक - एकूण 4 हजार 389 जुड्या (500 ते 1,100 रुपये).
