पुणे: बाजारात शेंगदाण्याची आवक कमी असून मागणी वाढल्याने त्याच्या दरात क्विंटलमागे पाचशे रुपयांनी वाढ झाली. भारी तूरडाळही तेजीत असल्याचे सांगण्यात आले. मात्र, आवक मुबलक असून मागणी कमी असल्यामुळे हलक्या प्रतीच्या गुळाच्या दरात क्विंटलमागे आणखी दोनशे रुपयांनी तर साखरेच्या दरात पंचवीस रुपयांनी घट झाली. आयातीच्या दबावामुळे हरभराडाळीचे दर शंभर रुपयांनी कमी झाले. बेसन दरातही 50 किलोमागे शंभर रुपयानी घट झाली.
सततच्या पावसामुळे गुजरामधील भूईमूग शेंगेच्या पिकाचे नुकसान झाले असून उत्पादन घटण्याबरोबरच प्रतही बिघडली आहे. यामुळे गेले अनेक दिवस स्थिर असलेल्या शेंगदाण्याच्या दरात क्विंटलमागे चारशे ते पाचशे रुपयांनी वाढ झाल्याचे सांगण्यात आले. चालू महिन्यासाठी मुबलक कोटा जाहीर झाला असून सध्या साखरेस उठाव कमी आहे. यामुळे गेल्या आठवडयातही दरात क्विंटलमागे आणखी पंचवीस रुपयांनी घट झाली. शनिवारी येथील धाऊक बाजारात एस 20 साखरेचा प्रती क्विंटलचा दर 4 हजार ते 4 हजार 25 रुपये होता. आवक जावक साधारण असल्यामुळे साबुदाणा, भगर, पोहे, नारळ या जिनसांचे दर स्थिर होते.
येथील घाऊक बाजारातील शनिवारचे दर पुढीलप्रमाणे होते.
साखर (प्रतिक्विंटल) 4000-4025 रु. खाद्यतेले (15किलो/लिटर):- शेंगदाणा तेल 2375-2475, रिफाईंड तेल 2150-2750, सरकी तेल 2075-2375, सोयाबीन तेल 1900-2125, पामतेल 1875-2075, सूर्यफूल रिफाईंड तेल 2100- 2250, खोबरेल तेल 5800 वनस्पती 1830-2080 रु.तांदूळ:- गुजरात उकडा 3500-4000, मसुरी 3500-4000, सोना मसूरी 4500-5000, एच.एम.टी. कोलम 5500-6500, लचकारी कोलम 6500-7000, चिन्नोर 4500-5000, 1121-11000-11500, आंबेमोहोर (सुवासिक) 15000-16000, बासमती अखंड 12000-13000, बासमती दुबार 9500-1000, बासमती तिबार 10000-10500, बासमती मोगरा 5500-6500, बासमती कणी 4000-4500, 1509-8500-9500, इंद्रायणी 5500-6000 रु. गहू - लोकवन नं. 1 4000-4200, लोकवन नं. 2 3600-40020, नं.3 3300-3600, सिहोर नं. 1 5700-6000, सिहोरी 3800-4400, मिलबर 3100 रु. ज्वारी :- गावरान नं. 1 5700-5600, गावरान नं.2 5200-5500, नं.3 4700-5100, दूरी नं.1 3800-4000, दूरी नं. 2 3500-3700 रु बाजरी:- महिको नं.1 4000-4200, महिको नं.2 3600-3800, गावरान 3300-3500, हायब्रीड 3200-3300 रु. गूळ :- गूळ नं. 1 4350-4550, गूळ नं.2 4050-4200 गूळ नं.3 3700-3900, नं. 4 - 3300- 3500, बॉक्स पॅकिंग 3700-5100 रु.
डाळी:- तूरडाळ 9000-10800, हरभराडाळ 6800-7000, मूगडाळ 9000-10000, मसूरडाळ 7600- 7700, मटकीडाळ 8300-8400, उडीदडाळ 9000-10300 रु. कडधान्ये :-हरभरा 6500-6600, हुलगा 4800-5000 चवळी 7000-9500, मसूर 6900-7000, मूग 9000-9500, मटकी गावरान 12000, मटकी पॉलिश 6800-7000, मटकी गुजरात 6800-7000, मटकी राजस्थान 6800-7000, मटकी सेलम 15200-16000, वाटाणा हिरवा 12500-13000, वाटाणा पांढरा 4400-4500, काबुली चणा 7500-11000 रु. साबुदाणा :-साबुदाणा नं.1 5000, साबुदाणा नं.2 4750, साबुदाणा नं.3 4500 रु. वरई भगर :-9500-10500, सावा भगर 9000-9500 रु गोटा खोबरे 3200-3400 रु. शेंगदाणा :- जाडा 9500-10000, स्पॅनिश10500-11000, घुंगरु 9500-10000 टीजे 9000-10000 रु. धने :- गावरान 9000-11000, इंदूर 13000-15000 रु. पोहे :- मध्य प्रदेश 4800-5200,पेण 4700-4800, मध्यम पोहा 4700-4900, दगडी पोहा 4700-5100, पातळ पोहा 5200-5800, सुपर पोहा 5100-5600, भाजका पोहा 650-750, मका पोहा 600-650, भाजके डाळे 3400-3900, मुरमुरा सुरती (9किलोस) 550-560, भडंग 800-1100, घोटी 530-540 रु. रवा, मैदा, आटा- (50 किलोचा भाव) आटा 1600-1700, रवा 1750-1800, मैदा 1750-1800, बेसन:- (50 किलोस) 4050-4300 रु. मीठ :- मीठ खडे (50किलोस) 300, मीठ दळलेले (50 किलोस) 350 रु. मिरची:-काश्मिरी ढब्बी 35000-40000, ब्याडगी 25000-28000.
ऑस्ट्रेलियातून आणखी हरभऱ्याची आयात होणार
आवक कमी असल्यामुळे सध्या तूरडाळीचे दर तेजीत असून भारी तूडाळीचे दर क्विंटलमागे शंभर ते दीडशे रुपयांनी वाढले. नव्या तूरीची आवक लवकरच सुरू होणे अपेक्षित आहे. मात्र, हंगामाच्या शेवटच्या काळात आवक कमी असल्याने भाव तेजीत असल्याचे सांगण्यात आले. आयातीच्या दबावामुळे हरभराडाळीचे दर मंदीतच आहेत. ऑस्ट्रेलियातून आणखी हरभऱ्याची आयात होणार असल्याने दर मंदीकडे झुकले आहेत. गेल्या आठवड्यातही येथील बाजारात हरभराडाळीचे दर क्विंटलमागे शंभर रुपयांनी कमी झाले. यामुळे बेसन दरातही 50 किलोमागे शंभर रुपयांनी घट झाली. सर्व डाळी आणि कडधान्यांचे दर स्थिर होते.
