कामगार गैरहजर ……… त्याचा पगार मात्र मॅनेजरच्या खिशात ! वाचा सविस्तर

पिंपरी :

कंपनीत कामावर नसलेल्या कर्मचार्‍यांची हजेरी लावून मॅनेजरने कंपनीची तीन लाख रुपयांची फसवणूक केली. हा प्रकार सप्टेंबर ते डिसेंबर 2021 या कालावधीत पिंपळे सौदागर येथे घडला. अनिकेत साहेबराव राक्षे (32, रा. साळुंबे्र, ता. मावळ) यांनी सांगवी पोलीस ठाण्यात फिर्याद दिली आहे. त्यानुसार, एचआर मॅनेजर महिलेच्या विरोधात गुन्हा दाखल करण्यात आला आहे.

संभाजीराजे आणि सेनेच्या विषयांत भाजपनं चोंबडेपणा करु नये, संजय राऊतांची संतप्त प्रतिक्रिया

पोलिसांनी दिलेल्या माहितीनुसार, आरोपी महिला यशदा डेव्हलपर्स या फर्ममध्ये जानेवारी ते डिसेंबर 2021 या कालावधीत एच आर मॅनेजर म्हणून कार्यरत होती. तिने श्रीकांत जाधव हा फर्ममध्ये कामाला असल्याबाबत बायोमेट्रिक हजेरीमध्ये नाव नोंद केली. त्याचा खोटा व बनावट इलेक्ट्रॉनिक अभिलेख तयार केला.

सातारा : मृतदेहांची चिरफाड करताना हात थरथरायचे, पाय लटपटायचे !

कर्मचार्‍यांचे खोटे हजेरीपत्रक तयार केले. त्यात श्रीकांत जाधव याच्या बँक खात्याच्या माहितीमध्ये आरोपीने स्वतःचा बँक खाते क्रमांक दिला. त्याद्वारे पगार आणि बोनस असे दोन लाख 37 हजार 526 रुपये स्वतःच्या बँक खात्यावर घेतले. त्यानंतर फर्ममधून तीन कर्मचार्‍यांनी राजीनामा दिल्यानंतर त्यांची एक महिन्याची हजेरी लावून त्यांचे पगार देखील आरोपीने तिच्या बँक खात्यावर घेतले.
यामध्ये एकूण तीन लाख दोन हजार 225 रुपयांची फसवणूक केली असल्याचे फिर्यादीत म्हटले आहे. तपास सांगवी पोलिस करीत आहेत.

अभिनेते सतीश कौशिक यांच्यासोबत विमानात गैरवर्तणूक