Someshwar Sugar Factory: सोमेश्वर कारखान्याची उसाला प्रतिटन ३,९५१ रुपयांची उचल; यंदाच्या हंगामातील विक्रमी दराची घोषणा

अध्यक्षा सुनेत्रा पवार यांचा संचालक मंडळाच्या बैठकीत निर्णय; ३८ दिवसांत ३.२० लाख टन उसाचे गाळप
Someshwar Sugar Factory
Someshwar Sugar FactoryPudhari
Published on: 
Updated on: 

सोमेश्वरनगर: राज्यातील अग्रेसर सहकारी साखर कारखान्यांमध्ये गणल्या जाणाऱ्या सोमेश्वर सहकारी साखर कारखान्याने २०२६-२७ च्या गळीत हंगामासाठी प्रतिटन ३९५१ रुपये पहिली उचल जाहीर केली आहे. अनुदानासह ही रक्कम प्रतिटन ४३०१ रुपयांपर्यंत जाणार असून, सोमेश्वर कारखान्याच्या इतिहासातील ही आजवरची सर्वाधिक पहिली उचल ठरली आहे. पुणे जिल्ह्यातील चालू हंगामातील ही सर्वाधिक पहिली उचल ठरली आहे.

Someshwar Sugar Factory
Pune Wildlife Water Shortage: पुण्यातील टेकड्यांवरील कृत्रिम पाणवठे कोरडे; वन्यजीवांची पाण्यासाठी भटकंती

कारखान्याचे अध्यक्ष राजवर्धन शिंदे व उपाध्यक्ष संग्राम सोरटे यांनी रविवारी (दि. २२) पत्रकार परिषदेत ही घोषणा केली. उपमुख्यमंत्री सुनेत्रा पवार व खासदार पार्थ पवार यांच्या मार्गदर्शनाखाली कारखान्याची यशस्वी वाटचाल सुरू असून, सभासद आणि गेटकेनधारक ऊस उत्पादक शेतकऱ्यांच्या हिताला प्राधान्य देण्यात येत असल्याचे त्यांनी सांगितले.

Someshwar Sugar Factory
Pune Stolen Gold Case: चोरीच्या गुन्ह्यात जप्त केलेले सोने सराफाला परत; चार कोटींच्या हमीपत्रावर न्यायालयाचा आदेश

दरम्यान, यापूर्वी शनिवारी माळेगाव सहकारी साखर कारखान्याने प्रतिटन ३९०० रुपये ऊसदर जाहीर केला होता. सातारा जिल्ह्यातील बहुतांश खासगी साखर कारखान्यांनीही प्रतिटन ३९०० रुपये दर निश्चित केला आहे.

Someshwar Sugar Factory
Pune Airport Old Terminal: पुणे विमानतळाचे जुने टर्मिनल लवकरच प्रवाशांच्या सेवेत; प्रवासी क्षमता दुप्पट होणार

तर छत्रपती सहकारी साखर कारखान्याने यापूर्वीच प्रतिटन ३५०१ रुपये दर जाहीर केला आहे. या पार्श्वभूमीवर सोमेश्वर कारखान्याने ३९५१ रुपयांची पहिली उचल जाहीर करत पुणे जिल्ह्यात आघाडी घेतली आहे.

Someshwar Sugar Factory
Khadakwasla Dam Water Storage: खडकवासला धरणाचे रब्बी आवर्तन बंद; ५६ दिवसांत ५.३४ टीएमसी पाणी वापर

सोमेश्वर कारखान्याने जाहीर केलेल्या या दरामुळे ऊस उत्पादक शेतकऱ्यांना मोठा आर्थिक दिलासा मिळणार आहे. विशेषतः सभासदांसह गेटकेनधारक शेतकऱ्यांनाही या निर्णयाचा लाभ होणार असल्याने परिसरातील ऊस उत्पादकांमध्ये समाधानाचे वातावरण आहे.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.