दरवर्षी महापालिकेकडून पावसाळ्यापूर्वी शहरातील ओढे, नाले, पावसाळी गटारे, ड्रेनेज लाईन, चेंबर आदींची साफसफाई आणि राडारोडा उचलण्याची कामे केली जातात; तसेच रस्त्यावरील खड्डे बुजवण्यासाठी डांबरीकरण केले जाते. ही कामे दरवर्षी एप्रिलमध्ये सुरू करून पावसाळ्यापूर्वी पूर्ण करण्याचे उद्दिष्ट ठेवले जाते. मात्र, दरवर्षी ही कामे करण्यासाठी ठेकेदार कमी दराने निविदा भरतात, आणि त्या मंजूरही होतात. कामे झाल्यानंतर त्या कामाची बिले निघतात.