चालकाने केलेल्या चुकीची शिक्षा नेहमी बसमालकांना मिळते. कोणताही बसमालक चालकाला वाहतुकीचे नियम पाळू नकोस, असे सांगत नाही. मात्र, चालक मार्गावर असताना गाडी अतिवेगाने पळवतात, दारू पितात, रस्त्यामध्ये अवैधरीत्या टप्पा वाहतूक करतात. परिणामी, या वेळी होणार्या अपघाताचे खापर बसमालकांवरच फुटते, त्यामुळे आम्ही हे संकेतस्थळ तयार करत असून, या संकेतस्थळामुळे चालकांना शिस्त लागून जरब नक्कीच बसणार आहे. तसेच, आमच्या गाड्यांचे वाढते अपघात रोखण्यास मदत होणार आहे.– किरण देसाई, कार्याध्यक्ष, पुणे बस अँड कार ओनर्स असोसिएशन