अविनाश दुधवडे
चाकण : खेड कृषी उत्पन्न बाजार समितीच्या येथील महात्मा फुले मार्केट यार्डमध्ये कांदा व बटाट्यासह लसणाची भरपूर आवक झाली. लसणाची आवक तिपटीने वाढूनही भाव तेजीत राहिले. पालेभाज्यांच्या बाजारात मेथी व पालक भाजीची भरपूर आवक झाली. राजगुरुनगर येथील बाजारात वांगी, भेंडी, टोमॅटो, दोडका, कोबी व फ्लॉवर यांची आवक व भाव स्थिर राहिले. एकूण उलाढाल 6 कोटी 50 लाख रुपये झाली. गुरांच्या बाजारातदेखील मोठी उलाढाल झाली. 70 गायी व 90 बैलांची विक्री झाली.(Latest Pune News)
कांद्याची एकूण आवक 3,000 क्विंटल झाली. गेल्या आठवड्याच्या तुलनेत आवक दुपटीने वाढली. कांद्याचा कमाल भाव 1,500 रुपयांवर स्थिरावला. बटाट्याची एकूण आवक 4,500 क्विंटल झाली. गेल्या आठवड्याच्या तुलनेत आवक दुपटीने वाढूनही भावात 200 रुपयांची वाढ झाली. बटाट्याचा कमाल भाव 1,800 रुपयांवरून 2,000 रुपयांवर पोहोचला.
लसणाची एकूण आवक 90 क्विंटल झाली. गेल्या आठवड्याच्या तुलनेत ही आवक तिपटीने वाढूनही भावात 2 हजार रुपयांची वाढ झाली. लसणाचा कमाल भाव 6 हजार रुपयांवरून 8 हजार रुपयांपर्यंत पोहोचला. हिरव्या मिरचीची एकूण आवक 395 क्विंटल झाली. हिरव्या मिरचीला 3 हजार 500 रुपयांपासून 4 हजार 500 रुपयांपर्यंत भाव मिळाला.
शेतीमालाची आवक व बाजारभाव पुढीलप्रमाणे : कांदा - एकूण आवक - 3,000 क्विंटल. भाव क्रमांक - 1. 1,500 रुपये, भाव क्रमांक 2. 1,000 रुपये, भाव क्रमांक 3. 800. बटाटा - एकूण आवक - 4,500 क्विंटल. भाव क्रमांक 1. 2,000 रुपये, भाव क्रमांक 2. 1,500 रुपये, भाव क्रमांक 3. 1,000 रुपये.
फळभाज्या : फळभाज्यांच्या बाजारात एकूण आवक क्विंटलमध्ये व प्रतिदहा किलोंसाठी मालाला मिळालेले भाव कंसात रुपयांत पुढीलप्रमाणे : टोमॅटो - 330 क्विंटल (1,000 ते 1,800), कोबी - 225 क्विंटल (700 ते 1,200), फ्लॉवर - 235 क्विंटल (800 ते 1,400), वांगी - 86 क्विंटल (4,000 ते 6,000), भेंडी - 90 क्विंटल (3,000 ते 5,000), दोडका - 76 क्विंटल (3,000 ते 5,000), कारली - 84 क्विंटल (3,000 ते 4,000), दुधीभोपळा - 54 क्विंटल (1,500 ते 2,500), काकडी - 90 क्विंटल (1,000 ते 1,800), फरशी - 48 क्विंटल (5,000 ते 6,000), वालवड - 72 क्विंटल (4,000 ते 6,000), ढोबळी मिरची - 140 क्विंटल (4,000 ते 6,000), चवळी - 28 क्विंटल (3,000 ते 4,000), वाटाणा - 15 क्विंटल (14,000 ते 17,000 ), शेवगा - 20 क्विंटल (7,000 ते 9,000), गाजर - 180 क्विंटल (2,000 ते 3,000), गवार - 24 क्विंटल (8,000 ते 12,000), आले - 210 क्विंटल (3,000 ते 4,000).
जनावरे : जनावरांच्या बाजारात विक्रीसाठी आलेल्या 80 जर्सी गायींपैकी 70 गायींची विक्री झाली. (15,000 ते 70,000 रुपये). 110 बैलांपैकी 90 बैलांची विक्री झाली. (10,000 ते 40,000 रुपये). 125 म्हशींपैकी 95 म्हशींची विक्री झाली. (30,000 ते 80,000 रुपये). 11,000 शेळ्या - मेंढ्यांपैकी 9 हजार 500 शेळ्यांची विक्री झाली. त्यांना 2,000 रुपयांपासून ते 15,000 रुपयांपर्यंत भाव मिळाला.
