मनोहरमामा भोसले : बाळूमामांचा भक्त म्हणून घेणाऱ्या भोसलेसह तिघांवर बारामतीत गुन्हा
बारामती ; पुढारी वृत्तसेवा : संत श्री बाळूमामांचा अवतार असल्याचे सांगत फसवणूक केल्याप्रकरणी मनोहरमामा भोसले (रा. उंदरगाव, ता. करमाळा, जि. सोलापूर) याच्यासह त्याच्या दोन अन्य साथीदारांविरोधात बारामती तालुका पोलिस ठाण्यात गुन्हा दाखल करण्यात आला आहे.
कर्करोग बरा करतो, असे सांगत बाभळीचा पाला, साखर, भंडारा देत त्यांनी फसवणूक केली. याप्रकरणी तिघांवर फसवणूकीसह महाराष्ट्र नरबळी व इतर अमानुष, अनिष्ठ व अघोरी प्रथा व जादूटोणा व उच्चाटन कायदा तसेच औषध चमत्कारी उपाय अधिनियमानुसार गुन्हा दाखल कऱण्यात आला आहे.
- cars discount offer 2021 : होंडा कार्सवर ५७ हजारांपर्यंत सूट, सिटी, अमेझवर सर्वोत्तम ऑफर्स
- Ravikant Tupkar : राणाजी आम्हाला पोरकं का केलंत…? रविकांत तुपकरांची भावनिक पोस्ट
विशाल वाघमारे उर्फ नाथबाबा व ओमकार शिंदे (पूर्ण नाव, पत्ते नाहीत) यांचाही गुन्हा दाखल झालेल्यांमध्ये समावेश आहे.
शशिकांत सुभाष खरात (रा. साठेनगर, कसबा, बारामती) या 23 वर्षीय तरुणाने याबाबत फिर्याद दिली.
२० ऑगस्ट २०१८ ते ३१ ऑगस्ट २०२१ दरम्यान हा गुन्हा घडल्याचे फिर्यादीत म्हटले आहे.
मनोहर भोसले याने संत श्री बाळूमामांचा अवतार असल्याचा बनाव करत फिर्यादीच्या वडिलांना झालेला कर्करोग बरा करतो, असे सांगत बाभळीचा पाला, साखर, भंडारा खाण्यास दिला.
- रशियन मंत्र्याचा दुर्दैवी मृत्यू : कॅमेरामनला वाचवण्यासाठी डोंगरावरून उडी मारली
- ED : गेल्या तीन वर्षांत त्यामागील दहा वर्षांच्या तुलनेत कारवायांमध्ये तिपटीने वाढ
ठार मारण्याची धमकी
विशाल वाघमारे, शिंदे यांच्याशी संगनमत करत वडिलांच्या व फिर्यादीच्या जीविताला भीती दाखवत फिर्यादीकडून वेळोवेळी २ लाख ५१ हजार रुपये घेत फसवणूक केली. पैसे परत मागितले असता ठार मारण्याची धमकीही दिल्याचे फिर्य़ादीत म्हटले आहे.
दरम्यान मनोहरमामा भोसले विरोधात आलेल्या तक्रारींची गंभीर दखल पोलिस अधीक्षक डॉ. अभिनव देशमुख, अपर अधीक्षक मिलिंद मोहिते यांनी घेतली आहे.
फसवणूक झालेल्यांनी बारामती तालुका पोलिस ठाण्याशी संपर्क साधण्याचे आवाहन करण्यात आले आहे. पोलिस निरीक्षक महेश ढवाण यांच्या मार्गदर्शनाखाली सहाय्यक पोलिस निरीक्षक राहूल घुगे अधिक तपास करत आहेत.
हेही वाचलं का?
- जिममध्ये अवैध औषध विक्री करणाऱ्यांच्या मुसक्या आवळणार; एफडीएचे पथक अचानक मारणार धाड
- olive oil : ह्रदयरोग, कर्करोग आणि लहान बाळांची हाडे बळकट करणाऱ्या ऑलिव्ह ऑईलचे फायदे जाणून घ्या
- raju shetti : तीन टप्प्यात एफआरपी दिल्यास सरकारच्या नाकात दम आणू