पुणे : व्यसनमुक्ती केंद्रात शिवीगाळ केल्याच्या रागातून काचेने गळा चिरून हत्‍या | पुढारी

पुणे : व्यसनमुक्ती केंद्रात शिवीगाळ केल्याच्या रागातून काचेने गळा चिरून हत्‍या

पुणे,पुढारी वृत्तसेवा : नर्‍हे येथील व्यसनमुक्ती केंद्रात शिवीगाळ केल्याच्या रागातून वाद झाले. गुरुवारी (दि.21) पहाटे गळा या वादातून सहकार्‍याचा काचेने गळा चिरुण निर्घृण हत्‍या केली. तो गळा कापत असताना इतर सहकारी जागे झाले. आणि रक्ताचे पाट वाहताना बघुन सर्व स्तब्ध झाले होते. गळ्यावर वार केल्यानंतर माथेफिरूने त्या व्यक्तीच्या नरड्यात बोटे घालून तो फाडला. अंगाचा थरकाप उडविणारी ही घटना नेचरेस बिल्डिंग, अभिनव कॉलेज रोड नर्‍हे येथील न्यास व्यसनमुक्ती केंद्रात घडली.

पोलिसांनी दिलेल्‍या माहितीनुसार, अरुण मोहन राठी (वय 65,रा. अनुबंध सोसायटी सिंहगड रोड) असे खून झालेल्या व्यक्तीचे नाव आहे. याप्रकरणी सिंहगडरोड पोलिसांनी संकेत सुनिल अल्हाट (वय 24,रा. स्वामी नारायण मंदीराच्या मागे नर्‍हे) याला अटक केली आहे. याबाबत एका 53 वर्षीय महिलेने फिर्याद दिली आहे. त्यानुसार अल्हाट याच्यावर गुन्हा दाखल करण्यात आला आहे.

व्यसनमुक्ती केंद्र नर्हे येथील एका निवासी इमारत आहे. येथे वेगवेगळ्या सदनिकांमध्ये सुमारे 45 व्यक्ती उपचार घेत आहे. यातील एका सदनिकेत उपचार घेणारे बारा जण रहात होते. 16 एप्रिल रोजी आल्हाट याचा वाढदिवस होता. त्या दिवशी घरातील कोणी त्याला भेटायला आले नव्हते. त्यामुळे तो तणावात असताना, राठी हे त्याला शिवीगाळ करत होते. त्याचा राग आल्हाट याच्या मनात होता.

गुरुवारी (दि.21) रात्री राठी गाढ झोपले होते. मात्र आल्हाट साडेतीनच्या सुमारास जागा झाला. तो थेट राठी झोपलेल्या ठिकाणी गेला. राठी गाड झोपेत असताना, त्याच्या तोंडावर टॉवेल ठेवला. यानंतर काचेच्या तुकड्याने त्याचा गळा चिरला.  राठी तडफडून मेले त्‍यांनतर आल्हाट शांत होऊन स्वत:च्या जागेवर गेला. राठी हा फेब्रुवारी महिण्यात उपचारासाठी दाखल होता, तर आल्हाट हा ऑगस्ट महिण्यात दाखल झाला होता. दोघांनाही दारुचे व्यसन होते.

या घटनेची माहिती येथील लोकांनी पोलिसांना दिली. त्‍या माहितीनुसार पोलिसांनी घटनास्थळी धाव घेतली. त्यावेळी राठी रक्ताच्या थारोळ्यात पडल्याचे दिसून आले. उपचारासाठी त्यांना नजीकच्या रुग्णालयात दाखल करण्यात आले होते. मात्र उपचारापुर्वीच त्यांचा मृत्यू झाल्याचे डॉक्टरांनी सांगितले. या प्रकरणाचा पुढील पोलिस करत आहे.

हेही वाचा  

Back to top button