निलपर्वतावरील जुना पंचदशनाम आखाडा येथे हरिगिरी महाराज यांचे आगमन झाले आहे. मनोज थेटे यांच्यासोबत तीर्थक्षेत्राच्या प्रश्नांबाबत बैठक झाली. सिंहस्थ कुंभमेळा पूर्वीपासून त्र्यंबकेश्वर येथे कुशावर्तावर होत होता. शैव आणि वैष्णव आखाडे सर्व येथे स्नान करायचे. आजही वैष्णव आखाड्यांच्या शाही स्नानांसाठी येथे वेळ राखीव असतो. मात्र, नाशिकला रामघाटावर केवळ वैष्णव आखाडे स्नान करतात. त्र्यंबकेश्वर येथेच शेकडो वर्षांपासून सिंहस्थ कुंभमेळा भरतो, असे शासनाने राजपत्रात जाहीर करण्यासाठी पुरावे जमा करणे, न्यायालयीन लढाई लढणे यासाठी सर्व 10 शैव आखाड्यांचे साधू तसेच पुरोहित संघाने एकत्र लढा देण्याचा निर्धार करण्यात आला. यावेळी साधू, महंत तसेच आखाड्यांचे पुरोहित त्रिविक्रम जोशी उपस्थित होते.