![Nashik : तिरडशेत गावचा पाणीप्रश्न मिटणार, पर्यावरणमंत्र्यांनीच घेतली दखल](http://media.assettype.com/pudhari%2Fimport%2Fwp-content%2Fuploads%2F2022%2F06%2F%E0%A4%AA%E0%A4%BE%E0%A4%A3%E0%A5%80%E0%A4%AA%E0%A5%8D%E0%A4%B0%E0%A4%B6%E0%A5%8D%E0%A4%A8-10.jpg?w=480&auto=format%2Ccompress&fit=max)
नाशिक (सातपूर) पुढारी वृत्तसेवा
१५ दिवसांपूर्वी नाशिक महानगरपालिका हद्दीलगत त्र्यंबक रोडवर असलेल्या तिरडशेत येथील महिलांचा पाण्यासाठीचा रौद्र अवतार अवघ्या जिल्ह्याने पाहिला. तिरडशेत येथील महिलांनी त्रंबकेश्वर रस्त्यावर हंडा-कळशी घेत रास्ता रोको अांदोलन केले होते.
तिरडशेत येथील महिलांनी केलेल्या या आंदोलनाची दखल खुद्द युवासेना प्रमुख व महाराष्ट्र राज्याचे पर्यावरण मंत्री आदित्य ठाकरे यांनी घेतली. त्यांनी येथे बोअरवेलचे कामसुरु केले आहे. संजय माशीलकर, अमोल किर्तीकर, शिवसेना तालुका प्रमुख संपतराव चव्हाण, माजी आमदार योगेश घोलप व युवासेनेचे नेते राहुल ताजनपुरे तसेच शिवसेना विभाग प्रमुख युवराज धात्रक, सामाजिक कार्यकर्ते गोकुळ नागरे, बबन थेटे यांच्या उपस्थित शिवसेना संघटनेच्या वतीने बोअरवेलचे काम याठिकाणी सुरु झाले आहे.