जळगाव: महागाई विरोधात युवासेनेचे थाळ्या वाजवत आंदोलन

जळगाव पुढारी वृत्तसेवा : जळगाव येथे युवासेनेच्या वतीने रोजच्या वाढत्या महागाई विरोधात थाळ्या वाजवत व अभिनंदन करत केंद्र शासनाचा जाहीर निषेध करण्यात आला. पारोळा कृषि उत्पन्न बाजार समितीचे सभापती तथा जळगाव जिल्हा बँकेचे संचालक अमोल पाटील यांच्या नेतृत्वात हे आगळेवेगळे आंदोलन छेडण्यात आले.

• रामकुंडात स्वच्छ पाणी गेल्याशिवाय नाशिक स्मार्ट होणार नाही(Photo)

देशात रोजच्या पेट्रोल, डिझेल, गॅस, खाद्यतेल, डाळी यांसह इतर संसारोपयोगी साधनांच्या वाढत्या दरामुळे शेतकरी, सर्वसामान्य नागरिक अक्षरशः होरपळून गेला आहे. रोजच्या वाढत्या महागाईमुळे जनता अतिशय चिंतेत आहे. तसेच या महागाईला आवर घालण्यासाठी केंद्र शासनातर्फे कुठलेही ठोस पाऊल उचलले जात नाहीये. त्यामुळे शेतकरी, सर्वसामान्य जनता मोठ्या आर्थिक संकटात सापडलेली असून जनतेच्या चिंतेत अधिकाधिक भर होतांना दिसत असल्याचे मत आंदोलकांनी व्यक्त केले.

• पाकिस्‍तानचे माजी पंतप्रधान नवाझ शरीफ यांच्‍यावर इम्रान खान समर्थकाचा लंडनमध्‍ये हल्‍ला

रोजगारासंदर्भात कुठलेच ठोस निर्णय घेतले जात नसतांना वाढत्या महागाईमुळे जनजीवन पुर्णपणे विस्कळीत झालेले आहे. याचअनुषंगाने पेट्रोल, डिझेल, गॅस, खाद्यतेल, डाळी यांसह संसारोपयोगी साधनांचा वाढत्या महागाई विरोधात पारोळा कृषि उत्पन्न बाजार समितीचे सभापती तथा जळगाव जिल्हा बँकेचे संचालक अमोल पाटील यांच्या नेतृत्वात पारोळा व एरंडोल येथील युवासेनेतर्फे केंद्र शासनाचे अभिनंदन करत जाहीर निषेध व्यक्त करण्यात आला. याप्रसंगी पारोळा व एरंडोल शिवसेना, युवासेनेचे पदाधिकारी, कार्यकर्ते यांसह नागरिक उपस्थित होते.

हेही वाचा:

• शास्त्रज्ञ हनीट्रॅपच्या तयारीत ! एलियन्सना आकर्षित करण्यासाठी अंतराळात न्यूड फोटो पाठवणार
•  रत्नागिरी : सह्याद्री व्याघ्र प्रकल्प गोठणेत शिकारीच्या उद्देशाने घुसलेल्या ३ संशयितांना वनकोठडी   
• Electricity : देशातील विजेच्या मागणीत मोठी वाढ होण्याचा अंदाज