नाशिक : शहा शिवारात अवैध वाळू वाहतूक; 14 लाखांच्या डंपरसह 44 हजारांची वाळू जप्त

नाशिक (सिन्नर) : पुढारी वृत्तसेवा
तालुक्याच्या पूर्व भागातील शहा शिवारात कोपरगाव तालुक्यातून सिन्नर तालुक्याकडे अवैध वाळू वाहतूक करणारा डंपर स्थानिक गुन्हे शाखेच्या पोलिसांनी पकडून चालक व मालकाविरोधात गुन्हा दाखल केला.

• मनमोहक फ्लेमिंगो पक्षी पळसनाथांच्या दारी; पाणीसाठा कमी झाल्याने मुक्त वावर

कोपरगाव तालुक्यातील मंजूर येथील गोदावरी नदीपात्रातून 30 टन वाळू भरून हा डंपर येत असताना, स्थानिक गुन्हे शाखेच्या पोलिसांनी शहा शिवारात जय मल्हार हॉटेलसमोर कोळपेवाडी-पंचाळे रस्त्यावर पकडला. त्यात सुमारे 44 हजार 834 रुपयांची 30 टन वाळू होती. अहमदनगर जिल्हाधिकारी कार्यालयाच्या परवान्यामध्ये खाडाखोड व फेरफार करण्यात आला. परवाना अधिकृत व खरा आहे, असे भासवून शासनाची फसवणूक करण्याच्या उद्देशाने अवैध गौण खनिज वाळू चोरून घेऊन जात असल्याप्रकरणी चालक व मालक यांच्याविरोधात गुन्हा नोंदविण्यात आला. याप्रकरणी स्थानिक गुन्हे शाखेचे सहायक पोलिस उपनिरीक्षक अनिल ढुमरे यांनी फिर्याद दिली आहे. पोलिसांनी 14 लाखांचा डंपर व सुमारे 44 हजारांची वाळू जप्त केली आहे. वावी पोलिस ठाण्याचे पोलिस उपनिरीक्षक पी. आर. गवळी अधिक तपास करीत आहेत.

हेही वाचा:

• रत्नागिरी : पश्‍चिम घाटात 223 दरडग्रस्त गावे;कोकणातील चार जिल्ह्यांचा समावेश
• दिव्यांगांना पदवीपर्यंतचे शिक्षण घेण्यासाठी राज्यात एकही निवासी वसतिगृह नाही!
• Harini Logan : भारतीय वंशाच्या हरिणी लोगननं इतिहास रचला, ठरली स्क्रिप्स नॅशनल स्पेलिंग बी स्पर्धेची विजेती