भारनियमनाच्या विषयावरून भाजप रस्त्यावर उतरली असून या अंतर्गत धुळे शहर व धुळे तालुक्यातील फागणे येथे कंदील आंदोलन छेडण्यात आले. या आंदोलनात खा. डॉ. सुभाष भामरे, माजी आमदार राजवर्धन कदमबांडे, भाजप महानगर प्रमुख अनुप अग्रवाल, चंद्रकांत गुजराथी, नगरसेवक अमोल मासुले, युवराज पाटील, हर्ष रेलन आदी उपस्थित होते. फागणे येथे कंदील पेटवून प्रतिकात्मक आंदोलन छेडत महाआघाडी सरकारच्या नियोजनशून्य कारभारामुळे जनतेला ऐन उन्हाळ्यात होणाऱ्या त्रासामुळे जनता हैराण झाली आहे. कृषीपंप बिलाची देखील शेतकरी बांधवांकडून पठाणी वसूली करण्यात आल्याने महाआघाडी सरकारचा निषेध करण्यात आला. या आंदोलनात जिल्हा परिषदेच्या सभापती धरती देवरे, माजी सभापती प्रा. अरविंद जाधव, किशोर सिंघवी, भाऊसाहेब देसले, श्याम बडगुजर, गोकुळ सिंगवी, तालुकाध्यक्ष देवेंद्र पाटील आणि फागणे गावातील कार्यकर्ते उपस्थित होते.
