अतिवृष्टीच्या पार्श्वभूमीवर किनारपट्टीवरील नागरिकांनी खबरदारी घ्यावी : अजित पवार

मुंबई : पुढारी वृत्तसेवा : भारतीय हवामान खात्याने दिलेला अतिवृष्टीचा इशारा आणि राज्यात सर्वदूर होत असलेल्या मुसळधार पावसाच्या पार्श्वभूमीवर समुद्र, नदी किनारपट्टीवरील नागरिकांनी आवश्यक खबरदारी घ्यावी, असे आवाहन राज्याचे विधानसभा विरोधी पक्षनेते अजित पवार यांनी केले आहे.

जिल्हा, राज्य प्रशासनाच्या सूचनांचे पालन करून सुरक्षितस्थळी आश्रय घ्यावा. जीवित, वित्तहानी होणार नाही यासाठी सर्वांनी सतर्क राहून काळजी घ्यावी. राज्य सरकारनेही एनडीआरएफ, एसडीआरएफ, पोलिस, महसूल आदी बचाव, मदत यंत्रणांना सतर्क ठेवून आपत्कालीन परिस्थितीत नागरिकांना तात्काळ मदत मिळेल याची निश्चिती करावी, असेही त्‍यांनी स्‍पष्‍ट केले आहे.

• माळीनगर येथे तुकाराम महाराज पालखीचे उभे रिंगण उत्साहात

अतिवृष्टी, पूरस्थिती, दरड कोसळण्याच्या दुर्घटनेत बचाव, मदत कार्यात विरोधी पक्षाचे स्थानिक लोकप्रतिनिधी, कार्यकर्त्यांनी प्रशासकीय यंत्रणेला संपूर्ण सहकार्य, मदत करावी. राज्यातील नागरिकांची जीवित, वित्तहानी टाळण्यासाठी विरोधी पक्ष कार्यकर्त्यांनी रस्त्यावर उतरून मदतकार्यात सहभागी व्हावे," असे आवाहन अजित पवार यांनी केले आहे.

हेही वाचा : 

• सौरऊर्जा प्रकल्प असूनही जिल्हा परिषदेत अंधार
• सातारा : सहकारच्या निवडणुकांची गाडी सुसाट
• आपत्तीग्रस्त गावांना खबरदारीचे आवाहन