ठाणे : पार्किंमधील सहा वाहनांना आग; तीन वाहने जळून खाक
ठाणे ; पुढारी वृत्तसेवा : वसंत विहार येथे सिध्दांचल ३ ए या इमारतीच्या पार्किंमधील सहा वाहनांना आग लागली. या आगीत सहा वाहनांनी पेट घेतला. ही घटना आज (सोमवार) पहाटे साडेचार वाजण्याच्या सुमारास घडली. या घटनेत तीन वाहने जळून खाक झाली. यामध्ये एक चारचाकी वाहनासह दोन दुचाकींचा समावेश आहे. पार्किंगमधील सहा वाहनांना आग लागली हे समजताच नागरिकांत घबराट पसरली आहे.
- मुळा धरण क्षेत्रात पाण्याची मोठी आवक, धरण ८८ टक्के भरले
- पुणे : बिग बास्केटच्या गोडाऊनला आग; लाखोंचे नुकसान
सिध्दांचल ३ ए या इमारतीच्या पार्किंग परिसरात दुचाकी आणि चारचाकी वाहने उभी करण्यात आली होती. त्यातील एका वाहनाने अचानक पेट घेतल्याने त्या आगीची झळ त्या ठिकाणी उभ्या केलेल्या इतर वाहनांना ही बसली.
यामध्ये इतर पाच वाहनांनीही पेट घेतला. वाहनांना आग लागल्याची माहिती मिळताच, ठाणे महापालिका प्रादेशिक आपत्ती व्यवस्थापन विभागासह अग्निशमन दलाच्या अधिकारी आणि कर्मचाऱ्यांनी घटनास्थळी धाव घेतली.
- भंडारदरा धरण अखेर ओव्हरफ्लो, धरणातून विसर्ग ७७४४ पर्यंत वाढवला
- शेअरबाजार : इक्विटी फंडाचे वाढते आकर्षण
आगीवर नियंत्रण मिळविण्यास सुरुवात केली. मात्र आगीवर नियंत्रण मिळवत असताना तीन वाहने पूर्णपणे जळून खाक झाली.
अन्य तीन गाड्यांचे या आगीत नुकसान झाले आहे. ही आग दोन चारचाकी आणि चार दुचाकी वाहनांना लागली होती.
ही आग नेमकी कशामुळे लागली हे समजू शकलेले नाही. या घटनेत कोणालाही दुखापत झाली नाही, अशी माहिती आपत्ती व्यवस्थापन विभागाने दिली.
हेही वाचलं का ?
- थायलंडमध्ये आहे जगातील सर्वात उंच गणेशमूर्ती
- शास्त्रज्ञ करणार टाईम कॅप्सूल चे संशोधन
- उपचारात दिरंगाई होऊन मृत्यू झाल्यास डॉक्टरचे निलंबन
- आधारवाडी कारागृहात कैद्यांचा उद्रेक
