Kolhapur Leopard : परिते गावाजवळ पुन्हा बिबट्याचे दर्शन, वास्तव्याची भिती?
परिते (ता. करवीर) गावाजवळ बुधवारी रात्री दिसलेला बिबट्या शुक्रवारी सकाळी वैरण आणण्यासाठी शेतात गेलेल्या शेतकऱ्यांना पुन्हा दिसल्याने भिती वाढली आहे. त्यामुळे भोगावती परिसर भितीच्या छायेखाली असून बिबट्याचा या परिसरात वास्तव्याची भिती निर्माण झाली आहे. त्यामुळे वनखात्याचे रेस्क्यू पथक पुन्हा परिते येथे येणार असल्याची माहिती देण्यात आली आहे. (Kolhapur Leopard)
भोगावती ते कोल्हापूर रस्ता ओलांडून डोंगराकडे गेलेला बिबट्या त्याच परिसरात असल्याचे शुक्रवारी स्पष्ट झाले आहे. कारण काल सकाळी ढेरे यांच्या शेताकडे वैरणीसाठी दिगंबर सुतार (रा. परिते) हे गेले होते. त्यावेळी खणी शेजारील ऊसाच्या शेतात कडेच्या सरीत हा बिबट्या बसला असल्याचे त्यांना दिसले. त्यामुळे ते सरळ घराकडे परतले आहेत.
- petrol hike : दिवाळी बेतात करून खिसा गरम ठेवा ! पेट्रोल १५० रुपयांवर जाण्याची शक्यता
- air india stops credit facility : मंत्री, सरकारी अधिकाऱ्यांचा एअर इंडियातील फुकटचा प्रवास बंद !
Kolhapur Leopard : गावात भितीचे वातावरण
तसेच त्या भागातील शेतकरी बी. के. डोंगळे (रा. घोटवडे) यांच्या शेततळ्यातील प्लास्टिक काळ्या कागदावर बिबट्याच्या पायाचे अनेक ठसे आढळून आले आहेत. त्यामुळे दोन दिवस बिबट्याचे या परिसरात वास्तव्य असल्याचे स्पष्ट झाले असून गावामध्ये भितीचे वातावरण पसरले आहे.
तर बहुतांश शेतकऱ्यांचे जनावरांचे गोठे गावाबाहेर असल्याने त्यांची अडचण झाली आहे. जनावरांच्या धारा काढण्यासाठी जीव मुठीत घेऊन जावे लागत असल्याने वनखात्याने बिबट्याचा बंदोबस्त करावा अशी मागणी होत आहे.
हे ही वाचलत का?
- प्रशांत किशोर : ‘मोदी जातील, पण भाजप राहील, राहुल गांधी यांच्यावर टीका करताना भाकित
- Sangli FRP : सांगली जिल्ह्यातील ऊस दराची कोंडी फुटली, दत्त इंडिया एकरकमी एफआरपी २८२१ देणार
- Buldhana Urban Bank : शहागडची बुलडाणा अर्बन बँक अवघ्या १५ मिनिटात लुटली; सव्वा कोटींचा मुद्देमाल लंपास
- Tikri Border Accident : आता भरधाव डंपरने तीन शेतकरी महिला आंदोलकांना चिरडले