मुदाळ तिट्टा; पुढारी वृत्तसेवा : महाराष्ट्रासह कर्नाटक राज्यातील लाखो भाविकांचे श्रद्धास्थान असलेल्या श्रीक्षेत्र वाघापूर (ता. भुदरगड) येथील ज्योतिर्लिंगाची नागपंचमी यात्रा मोठ्या उत्साहात संपन्न झाली. पावसाची उघडीप राहिल्याने भाविकांनी मोठी गर्दी केली होती. प्रशासनाच्या उत्कृष्ट नियोजनामुळे भाविकांत समाधानाचे वातावरण दिसत होते.
पहाटेपासूनच दर्शनासाठी भाविकांच्या रांगा लागल्या होत्या. पहाटे पाच वाजता आमदार प्रकाश आबिटकर व त्यांच्या पत्नी विजयालक्ष्मी आबिटकर यांच्या हस्ते अभिषेक व महापूजा संपन्न झाली. महाआरतीनंतर मंदिर दर्शनासाठी खुले करण्यात आले. यावेळी कुभांर समाजातील नाग मूर्ती देवालयात अर्पण करण्यात आली. 'जोतिर्लिगच्या नावाने चांगभलं' चा जयघोष करीत दिवसभर हजारो भक्तांनी दर्शन घेतले. महिलांनी लाह्या वाहत नाग देवतेची गाणी गायली. यात्रेमुळे वाहतूक कोंडी होवू नये यासाठी वाघापूर, आदमापूर, मुदाळतिट्टा, कुर अशी एकेरी वाहतूक सूरु होती. तसेच भाविकांसाठी गारगोटीसह अनेक आगारातून ज्यादा बस सोडण्यात आल्या होत्या. ग्रामपंचायत प्रशासन, आरोग्य विभाग प्रशासन, देवस्थान समिती व ग्रामस्थांच्या नियोजनामुळे यात्रा सुरळीत पार पडली.
वाघापूर येथे साकारणार पाच कोटींचे ज्योतिर्लिंग मंदिर या 30 जुलै रोजी प्रसिद्ध झालेल्या बातमीची नोंद घेत ग्रामस्थांनी घेतली आहे. ग्रामस्थांच्यावतीने ज्योतिर्लिंग देवाला समोर उभारण्यात आलेल्या भव्य मोठ्या स्क्रीनवर या बातमीचा समावेश करण्यात आला आहे स्क्रीनवर बातमीतील सर्व उल्लेख केला असून अनेक भक्तांना स्क्रीनच्या माध्यमातून सदरची बातमी पाहता वाचता आली आहे
हेही वाचा :
