विकास मंडळाच्या इमारतीला आमचा विरोध नाही. यापूर्वीही हा विषय ज्यावेळी चर्चेत आला होता. त्याला आपण विरोध केला होता. यात आजचे सत्ताधारीही होते. त्यामुळे ठेवी वर्ग करण्याबाबतचा निर्णय हा ऐच्छिक असावा. ठेवीतून कपात करू नये, तसे बँकेकडे सभासदांचे अर्ज आले आहेत, ईमेल आले आहेत, त्यावरून तुम्हाला जिल्ह्याची भावना समजायला हवी होती. ज्याला ऐच्छिक द्यायचे, त्याचे घ्या. त्याने एक काय पाच लाख द्यावेत, आमचे काही म्हणणे नाही, मात्र सक्तीने हा निर्णय लादू नये.
– डॉ. संजय कळमकर, शिक्षक नेते.
विकास मंडळाचे बांधकाम हे ऐच्छिक निधीतून झाले पाहिजे. त्यामुळे सभासदांची परवानगी न घेता कायम ठेवीतील रुपयालाही हात लावला तर याचे दूरगामी परिणाम संचालक मंडळाला भोगावे लागतील.
– प्रवीण ठुबे, रोहोकले गटाचे जिल्हाध्यक्ष.
सर्वप्रथम ठेवी संदर्भातील विषय आपण संचालक असताना पुढे आला होता. शिक्षक बँक आणि विकास मंडळ दोन वेगळ्या संस्था आहेत. ठेवी वर्ग करता येणार नाही. एक रुपयाही वर्ग करण्याचा अधिकार संचालक मंडळाला नाही.
– अविनाश निंभोरे, माजी अध्यक्ष.
सत्ताधार्यांच्या काटकसरीच्या कारभाराचे कौतुक. हॉस्पिटलसाठी विकास मंडळाला रक्कम दिली तर त्यांची ती सभासदांना परत द्यायची कुवत आहेत का? हे तपासून निर्णय घ्यावा.
– राजेंद्र शिंदे, सदिच्छा मंडळाचे नेते.
विकास मंडळाचे बांधकाम व्हावे, ही आमचीही इच्छा आहे. मात्र त्यासाठी शिक्षकांमध्ये जनजागृती करण्यात सत्ताधार्यांना अपयश आले, त्यामुळेच आज विरोध दिसत आहे. हॉस्पिटल कसे असेल, सभासदांना काय फायदा होईल, आपले पैसे परत कसे मिळतील, याबाबत सभासदांना समजून सांगणे अपेक्षित आहे. त्यानंतरच निर्णय घ्यावा.
– विकास डावखरे, माजी अध्यक्ष, विकास मंडळ
हॉस्पिटल बांधायचे असेल तर ते स्वतःच्या ताकदीवर बांधा. माझ्या सभासदांची मान मी कोणाकडेही गुंतवू देणार नाही. जर मनमानी करून विषय मंजूर केला व ठेवी वळविल्या तर कोर्टात खेचल्याशिवाय राहणार नाही, हेही लक्षात ठेवावे.
– एकनाथ व्यवहारे, इब्टा नेते.
चांगले बोलल्यावर टाळ्या आणि वाईट बोलल्यावर हो खाली.., हे योग्य नाही. ठेवी वर्ग करण्याबाबत यापुर्वीही एकदा सभेत चर्चा झालेली आहे. विकास मंडळ आणि बँक वेगवेगळ्या संस्था आहेत. ठेवी वर्ग केल्यास अडचणी निर्माण होऊ शकतात. आम्ही उपनिबंधकांकडे तक्रार अर्ज केलेला आहे. त्यामुळे सभासद भावना लक्षात घेवून हा विषय स्थगित ठेवावा, कोर्टात जाण्याची तयारी आहे.
– संजय धामणे, गुरूकुल मंडळ.