तिघांची आत्महत्या; पोटच्या लेकीला दिला गळफास आणि नंतर पती-पत्नीनं जीवन संपवलं
नगर; पुढारी वृत्तसेवा : केडगाव परिसरात एकाच कुटुंबातील तिघांची आत्महत्या केल्याची धक्कादायक घटना समाेर आली आहे. संदीप दिनकर फाटक (वय 40), किरण संदिप फाटक (वय 32), मैथिली संदिप फाटक (वय 10) अशी मृतांची नावे आहेत. आर्थिक अडचणीतून ही घटना घडल्याचे सांगितले जात आहे. कुटुंबातील तिघांची आत्महत्या झाल्याने खळबळ उडाली आहे.
- बजरंग खरमाटे यांनी कोट्यवधीची बेनामी संपत्ती गोळा केली: किरीट सोमय्या
- करुणा शर्मा अंबाजोगाई कोर्टात हजर, ॲट्रॉसिटी प्रकरणी अटक
संदीप फाटक हे बिस्कीट एजन्सीचा व्यवसाय करत होते. मागील दीड वर्षापासून कोरोनामुळे ते आर्थिकदृष्ट्या अडचणीत आले होते. व्यवसायात अपेक्षित उत्पन्न मिळत नसल्याने व कर्ज वाढल्याने त्यांनी मृत्यूला कवटाळले असल्याचे प्राथमिक चौकशीत समोर येत आहे.
- Rakesh Roshan : राकेश रोशन यांच्या टकलेपणात दडलंय यशाचं रहस्य!
- शिवसेना म्हणते, “आरएसएसची तालिबान्यांशी तुलना अयोग्य! कारण…”
काल रात्रीच्या सुमारास फाटक कुटुंबियांनी विरकर कुटुंबियांसह इतरांशीही फोनवरून गप्पा मारल्याचे नातेवाईकांनी सांगितले. मध्यरात्रीच्या सुमारास अगोदर पोटच्या लेकीला गळफास दिल्यानंतर दोघा पती-पत्नीने गळफास घेतल्याचा अंदाज व्यक्त होत आहे.
- घरफोडी : माजी आमदाराच्या पुतण्याच्या घरात ५३ लाखांची चोरी
- BJP : देवेंद्र फडणवीस, “ही महाआघाडी सत्तेची लचके तोडणारी”
घटनेची माहिती मिळताच अपर पोलिस अधीक्षक सौरभ अग्रवाल, कोतवाली पोलिस स्टेशनचे पोलिस निरीक्षक राकेश मानगावकर, सहायक पोलीस निरीक्षक नितीन रणदिवे यांनी घटनास्थळी येऊन पंचनामा केला. तिघांचेही मृतदेह शवविच्छेदनासाठी जिल्हा रूग्णालयात पाठविण्यात आले.