नगर : साकूर, बोटा गावांत चोरट्यांचा धुमाकूळ

बोटा : पुढारी वृत्तसेवा : संगमनेर तालुक्यातील साकूर येथील जीवन खिलारी यांचे चार टेबल व बोटा परिसरातील गोपाळ शेळके यांचे बंद घराचे कुलूप तोडून सोन्याचे दागिने चोरून चोरट्यांनी पोबारा केला आहे. त्यामुळे नागरिकांमध्ये भीतीचे वातावरण निर्माण झाले आहे.

एकनाथ शिंदेंना मोठा दिलासा! शिवसेनेच्या याचिकेवर तातडीने सुनावणी घेण्यास सुप्रीम कोर्टाचा नकार

याबाबत घारगाव पोलिसांनी दिलेली माहिती अशी की, मंगळवार (दि. 28) जून रोजी रात्री साकूर येथील जीवन गोरक्षनाथ खिलारी यांचे 20 हजार रुपये किमतीचे चार टेबल चोरट्यांनी चोरून नेले आहेत. त्याच बरोबर बोटा गावांतर्गत असलेल्या केळेवाडी फाटा या ठिकाणी असलेले गोपाळ मुरलीधर शेळके हे मंगळवारी रात्री जेवण झाल्यानंतर घराला कुलूप लावून गायांच्या शेडमध्ये गेले होते. बुधवारी सकाळी आले असता, तर समोर त्यांना दरवाजा उघडा दिसला. घरात जाऊन पाहिले असता चोरट्यांनी सामानाची उचकापाचक करून देवघरातील 43 हजार रुपये किमतीचे सोन्याचे दागिने चोरून पोबारा केला होता.

नुपूर शर्मानं टीव्हीवर जाऊन संपूर्ण देशाची माफी मागावी, वादग्रस्त वक्‍तव्यप्रकरणी सुप्रीम कोर्टानं फटकारलं

घटनेची माहिती समजताच पोलिस हेडकॉन्स्टेबल कैलास देशमुख यांनी घटनास्थळी भेट देऊन माहिती घेतली.

या ना त्या कारणाने मुख्यमंत्रीपद शिवसेनेकडेच : संजय राऊत