विद्यार्थिनीवर अत्याचार करणारा शिक्षक रंगेहाथ वर्गात सापडला; गावकऱ्यांनी उघडा करून ठोकला!
यवतमाळ; पुढारी वृत्तसेवा : शिकवणीच्या नावाने शाळेत बोलावून अल्पवयीन विद्यार्थिनीवर अत्याचार करणाऱ्या शिक्षकास गावकऱ्यांनी रंगेहात पकडले आणि कपडे काढून ठोकून काढले.
गुरू-शिष्याच्या नात्याला काळीमा फासणारी ही घटना यवतमाळ तालुक्यातील बेलोरा गावात शनिवारी सायंकाळी उघडकीस आली. याप्रकरणी ग्रामीण पोलिसांनी शिक्षकाविरुद्ध गुन्हा नोंद केला असून त्याला अटक केली आहे.
विद्यार्थिनीवर अत्याचार करणारा अरुण राठोड (वय ५५ रा. जवळा) असे आरोपी शिक्षकाचे नाव आहे. तो बेलोरा येथील जिल्हा परिषद प्राथमिक शाळेवर चार वर्षापासून कार्यरत आहे.
- गडचिरोली : हाताला दोरी बांधून अल्पवयीन प्रेमीयुगूलाची आत्महत्या
- बॉम्ब अफवा : गटारीच्या पार्टीत दारु ढोसली आणि बॉम्ब ठेवल्याचा फोन केला!
एका अल्पवयीन विद्यार्थ्यीनीला तुला चांगलं शिकवतो, तुला अव्वल गुण मिळतील, असं आमिष दाखवत गेल्या दोन महिन्यांपासून अत्याचार करत होता.
शाळा बंद असतानाही तो अतिरिक्त वर्ग घेत होता. रविवारी सुद्धा हा शिक्षक शाळेत दिसत असल्याने वर्गातील विद्यार्थिनीसोबत त्याचे गैरवर्तन सुरू असल्याचा संशय गावकऱ्यांना होता. शनिवारी दुपारी शिक्षक शाळेत असताना ग्रामस्थांनी अचानक धडक दिली.
तेव्हा त्याचे गैरकृत्य उघड्या डोळ्यांनी दिसले. संताप अनावर झाल्याने ग्रामस्थांनी त्याला चांगलाच चोप दिला तसेच त्याची दुचाकीसुद्धा पेटवून दिली.
दरम्यान घटनेची माहिती पोलिस पाटलांनी यवतमाळ ग्रामीण पोलिसांना दिली. ठाणेदार किशोर जुनगरे, पोलीस उपनिरीक्षक सचिन पवार हे आपल्या पथकासह बेलोरा येथे पोहोचले.
- गर्भश्रीमंत BCCI ने ऑलिम्पिक पदकवीरांसाठी पेटारा उघडला!
- ऑलिम्पिक भारतीय पुरुष आणि महिला हॉकी संघ : सुवर्णयुगाची नांदी!
संतप्त असलेले ग्रामस्थ शिक्षकाला पोलिसांच्या ताब्यात देण्यास तयार नव्हते. परिस्थिती पाहून पोलिसांनी बळाचा वापर करून अरुण राठोडची जमावाच्या तावडीतून सुटका केली.
विद्यार्थिनी व शिक्षकास यवतमाळच्या शासकीय रुग्णालयात वैद्यकीय तपासणीसाठी पाठविण्यात आले.
उपविभागीय पोलिस अधिकारी माधुरी बाविस्कर यांनी पोलीस ठाण्यात भेट देऊन पीडित मुलीच्या आई-वडिलांशी चर्चा केली.
वडिलांच्या तक्रारीवरून शिक्षकाविरुद्ध गुन्हा दाखल केला.
हे ही वाचलं का?