पुणे: निवडणूक प्रमुखावरून सत्ताधारी भाजपमध्ये धुसफुस
पुणे : पुढारी वृत्तसेवा
महापालिका निवडणूक प्रमुख पदी संघटन सरचिटणीस राजेश पांडे यांची निवडणूक प्रमुख म्हणून घोषणा केल्यानंतर अवघ्या 24 तासात शहराध्यक्ष जगदिश मुळीक यांच्या अध्यक्षतेखाली निवडणुक होणार असल्याचे पत्रक प्रदेशाध्यक्षांच्या नावाखाली शनिवारी निघाले. त्यामुळे महापालिका निवडणुका कोणाच्या नेतृत्वाखाली लढविणार यावरून सत्ताधारी भाजपमधील अंतर्गत कलह चव्हाट्यावर आला आहे.
गेल्या आठवड्यात शुक्रवारी भाजप प्रदेशाध्यक्ष, आमदार चंद्रकांत पाटील यांनी महापालिका निवडणूक प्रमुख म्हणून राजेश पांडे यांच्या नावाची घोषणा केली. त्यानंतर शनिवारी प्रदेशाध्यक्ष पाटील यांच्या अध्यक्षतेखाली प्रमुख पदाधिकाऱयांची बैठक झाली. या बैठकीला महापौर मुरलीधर मोहोळ, आमदार माधुरी मिसाळ, भीमराव तापकीर, सिद्धार्थ शिरोळे, स्थायी समितीचे अध्यक्ष हेमंत रासने, सभागृह नेते गणेश बिडकर, संघटन सरचिटणीस राजेश पांडे यांची प्रमुख उपस्थिती होती. या बैठकीत पांडे आणि मुळीक या दोघांचा ही सत्कार करण्यात आला. तसेच मुळीक यांच्या अध्यक्षतेखालीही निवडणूक होईल आणि भाजपचे शंभर पेक्षा अधिक नगरसेवक निवडून येतील असेही प्रदेशाध्यक्ष पाटील यांनी स्पष्ट केले.
चाेराच्या उलट्या बाेंबा…कागदावर लिहलं, ‘मी काहीही…’ https://t.co/GKU9HHl81N #pudharinews #pudharionline #police #crime
— Pudhari (@pudharionline) February 27, 2022
दरम्यान या कार्यक्रमानंतर मुळीक यांच्या प्रसिद्धीचे काम पाहणाऱ्या व्यवस्थेकडून शहराध्यक्ष मुळीक यांच्या अध्यक्षतेखालीच महापालिका निवडणूक होईल असे प्रदेशाध्यक्ष पाटील यांनी जाहीर केल्याचे पत्रक प्रसिद्ध झाले. संपूर्ण बैठकीचे केवळ एवढेच पत्रक निघाल्याने महापालिका निवडणुका कोणाच्या नेतृत्वाखाली लढवयाच्या यावरून भाजपमध्ये धुसफूस सुरू झाल्याचे स्पष्ट झाले. दरम्यान पांडे हेच निवडणूक प्रमुख असतील असे प्रदेशाध्यक्षा मार्फत स्पष्ट करण्यात आल्याचे सांगण्यात आले.
हेही वाचा