अफगाण विद्यार्थ्यांसोबत राज्यसरकार खंबीरपणे पाठीशी उभे राहील

पुणे ; पुढारी वृत्तसेवा : अफगाणिस्तानातील जे विद्यार्थी महाराष्ट्रात शिकायला आहेत. दरम्यान अफगाणिस्तानात नागरिकांना संकटाचा सामना करावा लागत आहे. यामुळे अफगाण विद्यार्थ्यांसोबत राज्यसरकार खंबीरपणे पाठीशी ठाम उभे असल्याचे आश्वासन उच्च व तंत्र शिक्षण मंत्री उदय सामंत यांनी अफगाणी विद्यार्थ्यांना दिले. आठवड्याभरात पर्यावरण मंत्री आदित्य ठाकरे यांच्या सोबत बैठक घेऊन पुढील दिशा ठरविण्यात येणार असल्याचे त्यांनी यावेळी स्पष्ट केले.

उच्च व तंत्रशिक्षण मंत्री उदय सामंत यांच्या प्रमुख उपस्थितीत सरहद संस्थेच्यातीने कार्यक्रम आयोजित करण्यात आला होता. महाराष्ट्रातील अफगाण विद्यार्थ्यासोबत येथील ऑल इंडिया श्री शिवाजी मेमोरिअल सोसायटीचे इन्स्टीट्यूट ऑफ इन्फर्मेशन टेक्नॉलॉजी येथे संवाद साधला.

• शौमिका महाडिकांनी अधिकाऱ्यांना धरलं धारेवर, उदगाव चिलींग सेंटरला भेट
• एस. जयशंकर, "अफगाणिस्तानातून भारतीयांना सोडवणं ही प्राथमिका"

विद्यार्थ्यांना योग्य न्याय देणार

उच्च व तंत्रशिक्षण मंत्री श्री सामंत म्हणाले, अफगाणिस्तान देशातील संकटाच्या पार्श्वभूमीवर अफगाण विद्यार्थ्यांसोबत राज्यसरकार खंबीरपणे पाठीशी उभे असून त्यांच्यावर कोणत्याही प्रकारचे अन्याय होणार नाही.

पुढील शिक्षणासाठी विद्यार्थ्यांना येणाऱ्या अडीअडचणी लक्षात घेता सहानुभूतीपूर्वक विचार करुन आवश्यक ती मदत केली जाईल.

• अफगाणिस्तान : भारतीय दुतावासाची सुरक्षा करणारे तीन श्वान मायदेशी परतले
• आयपीएल स्टार राशीद खान : 'अफगाणिस्तानमधून माझ्या कुटुंबाला बाहेर नेऊ शकत नाही'

व्हिसा बाबत केंद्र सरकारच्या परवानगी बाबत चर्चा करुन प्रश्न मार्गी लावण्यात येईल, असे आश्वासन मंत्री श्री. सामंत यांनी अफगाणी विद्यार्थ्यांना दिले.

महंमद अफगाणी यांनी पुढील शिक्षण घेण्यासाठी शिष्यवृत्ती देण्याची मागणी केली.

जेवण व निवासाची व्यवस्थेसाठी आर्थिक मदत करावी अशी विनंती यावेळी केली.

• इसिस हल्लेखोरांना वेचून वेचून मारू ! अमेरिकेचे राष्ट्राध्यक्ष बायडेन यांचा इशारा
• काबूल विमानतळ : पाणी ३ हजार रुपये लीटर, साडेसात हजार रुपयांना राईस प्‍लेट

यावेळी उच्च शिक्षण संचालक धनराज माने, ऑल इंडिया श्री शिवाजी मेमोरिअल सोसायटीचे इन्स्टीट्यूट ऑफ इन्फर्मेशन टेक्नॉलॉजीचे अध्यक्ष मालोजीराजे, सरहद संस्थेचे अध्यक्ष संजय नहार, किरण साळी, अफगाणी विद्यार्थी प्रतिनिधी महमद अफगाणी यांच्यासह अफगाणी विद्यार्थी उपस्थित होते.

• धर्मगुरू : तालिबान्यांना रोखा अन्यथा भारतासाठी धोका; शिया धर्मगुरूंचं वक्तव्य
• अफगाणिस्तान : देश सोडून जाण्यासाठी नागरिकांची काबूल विमानतळावर गर्दी
• नितेश राणे, वैभव नाईक यांच्यासह भाजप- शिवसेनेच्या नेत्यांवर गुन्हे दाखल
• 'राष्ट्रीय खेळ दिन' मेजर ध्यानचंद यांच्या जयंतीदिनीच का साजरा केला जातो