![मायक्रोसॉफ्टचे सीईओ सत्या नडेला यांच्या मुलाचे सेरेब्रल पाल्सीमुळे निधन, जाणून घ्या काय आहे हा आजार](http://media.assettype.com/pudhari%2Fimport%2Fwp-content%2Fuploads%2F2022%2F03%2FCerebral-Palcy.jpg?w=480&auto=format%2Ccompress&fit=max)
पुढारी ऑनलाईन : मायक्रोसॉफ्टचे सीईओ सत्या नडेला यांचा मुलगा जैन नडेला यांचे निधन झाले आहे. जैन हे २६ वर्षांचे होते. जैन हे जन्मापासूनच सेरेब्रल पाल्सी या आजाराने त्रस्त होते. मायक्रोसॉफ्टने आपल्या कर्मचाऱ्यांना ईमेलद्वारे याची माहिती दिली. जैन यांच्यावर बालरुग्णालयात उपचार सुरू होते. जैन यांच्या निधनानंतर रुग्णालयाचे मुख्य कार्यकारी अधिकारी जेफ स्पॅरिंग यांनी मंडळाला दिलेल्या संदेशात म्हटले आहे की, "जैन यांना त्यांच्या संगीताच्या निवडीबद्दल स्मरणात ठेवले जाईल." त्याच्या अद्भुत हास्याने त्याच्यावर प्रेम करणाऱ्या प्रत्येक व्यक्तीला आनंद दिला. अशा परिस्थितीत सेरेब्रल पाल्सी म्हणजे नेमकं काय ते जाणून घेऊया.
सेरेब्रल पाल्सी ही मेंदू आणि स्नायूं यांच्याशी संबंधित असलेली समस्या आहे. हा आजार लहान मुलांमध्ये आढळतो. हा आजार मेंदूला झालेल्या दुखापतीमुळे होतो. हा आजार लहान मुलांमध्ये किंवा चार वर्षांखालील मुलांमध्ये दिसून येतो. हा आजार संसर्गजन्य नाही. हा आजार मेंदूला झालेल्या नुकसानीमुळे होतो. सहसा जन्मापूर्वी, जन्मा दरम्यान किंवा नंतर लगेच हा आजार होऊ शकतो. या आजाराची लक्षणे प्रत्येकामध्ये वेगवेगळी दिसतात.
सेरेब्रल पाल्सी हा मेंदूच्या असामान्य विकासामुळे किंवा विकसनशील मेंदूला झालेल्या नुकसानीमुळे होतो. हे सहसा मुलाच्या जन्मापूर्वी उद्भवते. तसेच जन्माच्या वेळी किंवा नंतर देखील होऊ शकते. अनेक प्रकरणांमध्ये याचे कारण माहित होत नाही. सेरेब्रल पाल्सीच्या संभाव्य कारणांमध्ये खालील गोष्टी समाविष्ट आहेत
सेरेब्रल पाल्सीची लक्षणे व्यक्तीपरत्वे वेगवेगळी दिसतात. काही लोकांमध्ये या आजाराचा परिणाम संपूर्ण शरीरावर दिसून येतो, तर काही लोकांमध्ये हा आजार शरीराच्या काही भागांवरच दिसतो. चला जाणून घेऊया या आजाराची लक्षणे-
बहुतेक प्रकरणांमध्ये, सेरेब्रल पाल्सी टाळता येत नाही. परंतु ते शोधून, या रोगाचा धोका कमी केला जाऊ शकतो. अशा परिस्थितीत काही पावले उचलून, तुम्ही या आजाराची गुंतागुंत कमी करू शकता.
सेरेब्रल पाल्सीच्या धोक्यापासून बाळाचे रक्षण करण्यासाठी आईने निरोगी असणे खूप महत्वाचे आहे. हे महत्वाचे आहे की गर्भधारणेदरम्यान स्त्रीने तिच्या आहाराची विशेष काळजी घेतली पाहिजे आणि कायम आनंदी रहावे.
गरोदरपणात महिलांना अनेक प्रकारच्या लसी दिल्या जातात, ज्या त्यांच्या आरोग्यासाठी आणि बाळाच्या जन्मासाठी अत्यंत महत्त्वाच्या मानल्या जातात. अशा परिस्थितीत लसीकरणाची विशेष काळजी घ्यावी.