गुरुवारी पहाटेपासूनच मुसळधार पाऊस कोसळत आहे. त्यामुळे शहरातील सर्वाधिक गजबजलेला गांधी चौक ते अंबादेवी मार्गावर रोजच्यापेक्षा गर्दी कमी होती. इमारत कोसळणार याचा अंदाज आल्यावर इमारतीच्या तळमजल्यावर असणाऱ्या दूध डेअरीमधील कामगार इमारती बाहेर पडल्यामुळे परिसरात आरडाओरड झाली. हा रस्ता परिसरातील युवकांनी रहदारीसाठी बंद केला. या मार्गावर सकाळी आणि दुपारच्या वेळी मोठ्या प्रमाणात शाळकरी विद्यार्थ्यांची गर्दी असते. मात्र, पाऊस सुरू असल्यामुळे आज नेहमीपेक्षा गर्दी कमी होती. परिसरातील युवकांनी दाखवलेल्या सतर्कतेमुळे हा मार्ग बंद करण्यात आला. त्यामुळे इमारत कोसळली त्यावेळी अतिशय गर्दीच्या या मार्गावर शुकशुकाट होता.