नवी दिल्ली : वृत्तसंस्था :
माजी क्रिकेटपटू सचिन तेंडुलकरची कन्या सारा तेंडुलकर हिने, डीपफेक तंत्रज्ञानाचा वापर करून तिचे बनावट फोटो व्हायरल केले जात असल्याचे स्पष्ट केले आहे. समाजमाध्यमे ही आनंद, दुःख शेअर करण्यासाठी एक उत्तम सोय आहे; पण तंत्रज्ञानाचा गैरवापर इंटरनेटची विश्वासार्हता नष्ट करणारी बाब आहे. एक्सवर (द्विटर) साराच्या नावाने काही बनावट अकाऊंटस्ही तयार करण्यात आले आहेत, ही बाबही तिने निदर्शनाला आणून दिली आहे. ब्ल्यू टिकमुळे खाते सारा तेंडुलकरचेच असल्याचे लोक समजतात. याआधी पंतप्रधान नरेंद्र मोदी यांनीही डीप फेक फोटोंबद्दल चिंता व्यक्त केली होती.
