Kolhapur Flood Relief : पूरग्रस्तांच्या आवश्यक सेवेसाठी हेलीपॅडचे काम युद्धपातळीवर

कुरुंदवाड; पुढारी वृत्तसेवा : संभाव्य महापुराच्या (Flood Relief) पार्श्वभूमीवर अन्नधान्य व अत्यावश्यक सेवेचा पुरवठा करण्यासाठी जिल्हा प्रशासनाकडून हेलिपॅड बनविण्यात येत आहे. कुरुंदवाडच्या तेरवाड येथील गंगापूर व गुरुदत्त साखर कारखान्याच्या कार्यस्थळावर तीन ठिकाणी हेलिकॉप्टर उतरविण्यासाठी सुविधा उपलब्ध करून दिली जात आहे. सार्वजनिक बांधकाम विभाग जयसिंगपूर तर्फे हेलिपॅड तयार करण्याचे काम युद्धपातळीवर सुरू आहे.

• कोल्हापूर जिल्ह्यातील अडीच हजार संस्थांची निवडणूक प्रक्रिया थांबली

दरम्यान जिल्हाधिकारी राहुल रेखावार यांनी शिरोळ तालुक्यातील निवारा केंद्राचा व पूर परिस्थिती उद्भवणाऱ्या ठिकाणांची पाहणी केली होती. यावेळी तीन ठिकाणी हेलिपॅड तयार करण्याचा आदेश सार्वजनिक बांधकाम विभागाला दिला होता. (Flood Relief)

• Fadnavis VS Supriya Sule : राज ठाकरे यांच्या भेटीवरून फडणवीस-सुळे यांच्यात टोलेबाजी

कुरुंदवाड, तेरवाड, टाकळीवाडी येथील गुरुदत्त साखर कारखाना या ठिकाणी जिल्हाधिकारी रेखावार यांनी भेट देऊन निवारा केंद्राची पाहणी केली. या भागाला कृष्णा-पंचगंगा व दूधगंगा नदीच्या महापुराच्या पाण्याचा विळखा पडल्यानंतर वाहतूक व दळण-वळण सेवा पूर्णपणे बंद होते. अशावेळी या निवारा केंद्राच्या ठिकाणी वैद्यकीय व अन्य अत्यावश्यक सेवा पुरविण्याच्या दृष्टिकोनातून हे हेलिपॅड तयार करण्यात येत आहे. त्याचबरोबर वरिष्ठ अधिकाऱ्यांना पूर परिस्थितीचा आढावा घेऊन याठिकाणी पोहचून मदतकार्य करणे सोपे होईल.

• १९८५ एअर इंडिया बाँब स्फोटातील निर्दोष सुटलेल्या शीख व्यावसायिकाची कॅनडात हत्या

सीताबाई पटवर्धन हायस्कूलच्या क्रीडांगणावर, तेरवाड गंगापूर व गुरुदत्त साखर कारखाना येथे सार्वजनिक बांधकाम विभागातर्फे हेलिपॅड तयार करण्याचे काम सुरू झाले आहे. हेलिपॅडचे क्षेत्रफळ परिघ 102 मीटरचे आहे, त्याचा व्यास 15 मीटर आहे. या व्यासात 6 इंचापर्यंत खुदाई करून त्यामध्ये सिमेंट आणि खडीचे कोरडे काँक्रिट टाकून त्यावर रोलिंग करण्यात येणार आहे. दिशादर्शक पांढरे पट्टे मारून उदघोषणा कार्यरत करण्यात येणार आहे.

हेही वाचा

• पशुसंवर्धन पायाभूत सुविधा विकास निधी योजनेत देशात 'महाराष्ट्र' पहिल्या क्रमांकावर
• पूर व्यवस्थापनाचा परिपूर्ण प्रस्ताव सादर करा : राजेश क्षीरसागर
• शरद पवारांचा कोणता निरोप केसरकरांनी धुडकावला? : जितेंद्र आव्हाड