पुढारी ऑनलाईन डेस्क : चीनमधील हांगझोऊ आशियाई पॅरा गेम्समध्ये आज (दि.२६) चौथ्या दिवशीही भारताची विजयी घोडदौड सुरूच आहे. पुरुषांच्या शॉटपुट F46 मध्ये सचिन सर्जेराव खिलारी याने सुवर्णपदकावर आपले नाव कोरले. या पदकासह भारताने १५ सुवर्णपदकांचा पूर्वीचा विक्रम मोडला असून या स्पर्धेतील त्याचे १६ वे सुवर्ण पदक आहे.

बुधवारी आशियाई पॅरा गेम्सच्या तिसर्‍या दिवशी भारताची पदकतालिका ६४ (१५ सुवर्ण, २० रौप्य, २९ कांस्य) वर पोहोचली, हा सर्वात यशस्वी दिवस होता, जिथे सर्व सहा सुवर्णांसह ३० पदकांपैकी १७ पदके ऍथलेटिक्समधून आली.

संबंधित बातम्या :

• वेटलिफ्टिंगमध्ये महाराष्ट्राच्या दिपालीला सुवर्णपदक!
• मॅक्सवेलचा 40 चेंडूत चमत्कार! ठोकले विश्वचषकाच्या इतिहासातील सर्वात वेगवान शतक
• क्रिकेट प्रेमींसाठी खुशखबर! वानखेडे स्टेडियमवर पॉपकॉर्न, कोल्ड्रिंग्स मिळणार मोफत

पॅरा गेम्समध्ये डबल धमाका

आशियाई पॅरा गेम्समध्ये पुरुषांच्या १०० मीटर T-३५ स्पर्धेत नारायण ठाकूर याने आज आणखी एक कांस्यपदक जिंकले. त्याने या स्पर्धेत १४.३७ सेकंदाची वेळ नोंदवली. नारायण ठाकूर याचे पॅरा गेम्समधील हे दुसरे पदक आहे. याआधी त्याने पुरुषांच्या २०० मीटर T-३५ मध्ये कांस्यपदकाची कमाई केली होती. तसेच भारताच्या श्रेयांश त्रिवेदी यानेही आज दुसरे पदक जिंकले. त्याने पुरुषांच्या 100 मीटर T-37 फायनल स्पर्धेत १२.२४ सेकंद वेळ नोंदवत तिसरे स्थान पटकावले.

निमिषा सुरेशची 'सुवर्णउडी'

निमिषा सुरेश हिने महिलांच्या T47 लांब उडी स्पर्धेत ५.१५ मीटरच्या सर्वोत्तम उडीसह बुधवारी सुवर्णपदक जिंकले. भारताचे हे १५ वे सुवर्णपदक ठरले. याच स्पर्धेत कीर्ती चौहानने ४.४२ मीटर वैयक्तिक सर्वोत्तम उडी मारून चौथे स्थान पटकावले.

हेही वाचा : 

• बास डी लीडेचा वन-डेच्या इतिहासातील सर्वात महागडा स्पेल; ऑस्ट्रेलियन फलंदाजांनी धू-धू धुतले
• ऑस्ट्रेलियाचा सर्वात मोठा विजय, नेदरलँडला 309 धावांनी चिरडले
• क्रीडामंत्री गोविंद गावडे यांच्याहस्ते वेटलिफ्टिंग स्पर्धेचे उद्घाटन