बॅंड पथक, ढोलपथकासह ओपन जीपमधून त्यांची मिरवणूक निघाली. शहरातील कसबा येथे पवार यांचे आगमन झाल्यानंतर छत्रपती शिवाजी महाराज उद्यानात त्यांनी छत्रपतींच्या पुतळ्याला पुष्पहार अर्पण केला. त्यानंतर मिरवणूकीला सुरुवात झाली. या मिरवणूकीत पवार यांच्या सोबत त्यांचे पुत्र पार्थ, जिल्हा परिषदेचे माजी अध्यक्ष विश्वासराव देवकाते हे सहभागी होते. मशिनद्वारे संतोष गालिंदे व सहकाऱ्यांनी त्यांच्यावर फुलांचा वर्षाव केला. अखिल तांदूळवाडी वेस तरुण मंडळ, विश्वासराव देवकाते, संजीवनी ग्रूप यांच्यासह आजी-माजी पदाधिकारी, नगरसेवक आदींनी क्रेनद्वारे पवार यांना हार घातले. एकता ग्रूपच्या वतीने अल्ताफ सय्यद व सहकाऱ्यांनी मिरवणूकीत सहभागींना लाडू वाटप केले. अनेक कार्यकर्त्यांनी मिरवणूकीत सहभागींसाठी पाण्याची व्यवस्था केली होती.
