Jeffrey Epstein Alive: गेल्या आठवड्याभरापासून सोशल मीडियावर एक व्हिडिओ व्हायरल होत आहे. या व्हिडिओत जेफ्री एपस्टीन दिसल्याचा आणि तो जिवंत असल्याचा दावा केला जात आहे. हा व्हिडिओ एका महामार्गावर शूट करण्यात आला होता. या व्हिडिओत जेफ्री सारखा दिसणार माणूस हा आपली कनव्हर्टेबल गाडी रूफ डाऊन करून चालवताना दिसत आहे. त्याने बेसबॉल कॅप उलटी करून घातली होती. दरम्यान, जो व्यक्ती हा व्हिडिओ शूट करत होता. तो सतत जेफ्री एपस्टीन जिवंत आहे जेफ्री एपस्टीन जिवंत आहे असं सांगत होता.
हा व्हिडिओ अल्पावधीतच सोशल मीडियावर तुफान व्हायरल झाला. दरम्यान, हा व्हिडिओ व्हायरल झाल्यानंतर पाल्म बीच पेट या नावाच्या फ्लोरिडामधील एका व्यक्तीने अजून एक व्हिडिओ शेअर करत एपस्टीन जिवंत असल्याबद्दल मोठा खुलासा केला.
पेटने ट्विटवर हा व्हिडिओ शेअर केला असून तो म्हणतो, 'हाय मी पाल्म बीच बेट. माझा एक व्हिडिओ सध्या सोशल मीडियावर चांगलाच व्हायरल होत आहे. एका व्यक्तीने मी माझी I-95 चालवत असताना अचानक व्हिडिओ शूट केला. मला काही कळालेच नाही. दुसऱ्या दिवशी माझ्या लक्षात आलं की मी आता एक व्हायरल सेन्सेशन झालो आहे. माझा फोन हा तब्बल चार तास डाऊन होता. मला माझा फोन असंख्य कमेंट्स आणि त्या व्हिडिओने भरला होता. मला चांगलाच भाव मिळाला आहे. हे खूप भन्नाट आहे थँक यू.'
पेटने शेअर केलेल्या व्हिडिओत कॅमेऱ्यामागचा व्यक्ती त्याला तू जेफ्री एपस्टीन आहेस का असं विचारतो त्यावेळी पेट हा स्पष्टपणे नाही मी जेफ्री एपस्टीन नाही मी पाल्म बीत पेट आहे असं सांगतो.
