Nobel Peace Prize 2023: सध्या तुरुंगात असलेल्या नर्गेस मोहम्मदी यांना शांततेसाठीचा नोबेल जाहीर
पुढारी ऑनलाईन डेस्क: सध्या तुरुंगवासात असलेल्या इराणच्या मानवाधिकार कार्यकर्त्या नर्गेस मोहम्मदी यांना यंदाचे शांततेचे नोबेल जाहीर झाले आहे. ‘इराणमधील महिलांवरील अत्याचाराविरुद्धचा लढा, मानवी हक्क आणि स्वातंत्र्याचा प्रचारासाठी’ त्यांना 2023 चा नोबेल शांतता पुरस्कार देण्याचा निर्णय घेतला आहे. रॉयल स्वीडिश ॲकॅडमी ऑफ सायन्सेसने आज (दि.६) शांततेसाठीच्या नोबेल पारितोषिकाची घोषणा केली, यावेळी स्पष्ट केले. (Nobel Peace Prize 2023)
संबंधित बातम्या:
- Nobel Prize in Literature 2023 | नॉर्वेचे लेखक, नाटककार जॉन फॉसे यांना साहित्यातील नोबेल जाहीर
- Nobel Prize in Physics 2023 | पियरे अगोस्टिनी, फेरेंक क्रॉझ आणि ॲने एलहुइलियर यांना भौतिकशास्त्रातील नोबेल जाहीर
- Nobel Prize 2023 : कॅटालिन कारिको आणि ड्र्यू वेसमन यांना वैद्यकशास्त्रातील नोबेल जाहीर
BREAKING NEWS
The Norwegian Nobel Committee has decided to award the 2023 #NobelPeacePrize to Narges Mohammadi for her fight against the oppression of women in Iran and her fight to promote human rights and freedom for all.#NobelPrize pic.twitter.com/2fyzoYkHyf— The Nobel Prize (@NobelPrize) October 6, 2023
शांततेचे नोबेल पारितोषिक विजेत्या नर्गेस मोहम्मदी एक महिला, मानवाधिकार वकील आणि स्वातंत्र्यसैनिक आहेत. अभिव्यक्ती स्वातंत्र्य आणि स्वातंत्र्याच्या अधिकारासाठी त्यांनी धाडसी संघर्ष केला आहे. या लढ्यादरम्यान इराणच्या राजवटीने नर्गेस यांना १३ वेळा अटक केली आहे.तसेच पाच वेळा दोषी ठरवले आहे. महिलांच्या अन्यायाविरूद्धच्या संघर्षात त्यांना आत्तापर्यंत ३१ वर्षांचा तुरुंगवास भोगावा लागला आहे. या लढ्यात त्यांना १५४ वेळा लाटीमार करण्यात आला आहे. महिलांवरील अत्याचाराविरुद्धच्या लढ्यात नर्गेस मोहम्मदी अजूनही तुरुंगातच आहेत, असेही रॉयल स्वीडिश ॲकॅडमी ऑफ सायन्सेसने म्हटले आहे. (Nobel Peace Prize 2023)
शांतता पारितोषिक विजेत्या मोहम्मदी यांची जामिनावर सुटका झाल्यानंतर, या वर्षी फाशीच्या शिक्षेच्या वापराविरुद्धच्या मोहिमेत त्यांनी स्वतःला झोकून दिले. फाशीच्या शिक्षेविरुद्धच्या नर्गेस यांच्या सक्रियतेमुळे २०१५ मध्ये त्यांना पुन्हा अटक झाली. यानंतर त्यांनाया प्रकरणात अधिक वर्षांची शिक्षा झाली. नर्गेस मोहम्मदी यांच्यावरही इराणच्या राजवटीविरुद्ध ‘प्रचार पसरवल्याचा’ आरोप आहे. 2003 चे नोबेल शांतता पारितोषिक विजेते शिरीन एबादी यांच्या नेतृत्वाखालील संस्थेच्या त्या डिफेंडर्स ऑफ ह्युमन राइट्स सेंटरच्या उपप्रमुख आहेत, असे रॉयटर्सने दिलेल्या वृत्तात म्हटले आहे. (Nobel Peace Prize 2023)
2023 #NobelPeacePrize laureate Narges Mohammadi’s brave struggle has come with tremendous personal costs. The Iranian regime has arrested her 13 times, convicted her five times, and sentenced her to a total of 31 years in prison and 154 lashes. Mohammadi is still in prison. pic.twitter.com/ooDEZAVX01
— The Nobel Prize (@NobelPrize) October 6, 2023
नोबेल पारितोषिक वितरणाच्या चौथ्या दिवशी आज (दि.६) रॉयल स्वीडिश ॲकॅडमी ऑफ सायन्सेसने शांततेसाठीच्या नोबेलची घोषणा केली. काल गुरूवारी (दि.५) साहित्यातील, बुधवारी (दि.४) रसायनशास्त्रातील, मंगळवारी (दि. ३) भौतिकशास्त्रातील तर सोमवारी (दि.२) वैद्यकीयशास्त्रातील नोबेल पारितोषिकाची घोषणा करण्यात आली होती. (Nobel Peace Prize 2023)
हेही वाचा:
- युक्रेनी मुलांसाठी रशियन पत्रकाराने केला नोबेल पुरस्काराचा लिलाव
- म्यानमार : नोबेल पुरस्कार विजेत्या आंग सान सू की यांना चार वर्षांचा तुरुंगवास
- Malala Yousafzai : नोबेल शांतता पुरस्कार विजेती मलाला युसुफझाई विवाहबद्ध