Indane Chotu LPG cylinder: घरगुती गॅससाठी बुकिंगची कटकट आणि डिलिव्हरीची वाट पाहणे... या सगळ्याला आता पर्याय मिळण्याची शक्यता आहे. Indian Oil Corporation (IOCL) ने आपल्या Indane ब्रँडअंतर्गत 5 किलोचा ‘छोटू’ LPG सिलेंडर बाजारात आणत ग्राहकांसाठी नवीन पर्याय उपलब्ध करून दिला आहे.
‘छोटू’ हा 5 किलो वजनाचा छोट्या आकाराचा LPG सिलेंडर आहे, जो “Free Trade LPG” (FTL) या श्रेणीत येतो. याचा मुख्य उद्देश म्हणजे ग्राहकांना बुकिंग शिवाय गॅस उपलब्ध करून देणे.
या सिलेंडरची सर्वात मोठी खासियत म्हणजे कोणतीही बुकिंग करण्याची गरज नाही. थेट एजन्सी किंवा दुकानातून खरेदी करता येतो. IOCL च्या मते, हा सिलेंडर तत्काळ गरज पूर्ण करण्यासाठी तयार करण्यात आला आहे.
सामान्य LPG कनेक्शनसाठी पत्ता, कागदपत्रे आणि ऑनलाईन प्रक्रिया आवश्यक असते.
मात्र ‘छोटू’ सिलेंडरसाठी फक्त ओळखपत्र पुरेसे आहे. पत्त्याचा पुरावा आवश्यक नाही. यामुळे विद्यार्थी, स्थलांतरित कामगार किंवा भाड्याच्या घरात राहणाऱ्यांसाठी हा पर्याय अधिक चांगला आहे.
हा सिलेंडर केवळ गॅस एजन्सीपुरता मर्यादित नाही. हा सिलेंडर Indane गॅस एजन्सी, किराणा दुकानं आणि अधिकृत विक्री केंद्रावर उपलब्ध असेल. ‘छोटू’ सिलेंडर प्रवास किंवा पिकनिक, छोटे घर किंवा सिंगल यूजर्स, तातडीच्या गरजेसाठी, विद्यार्थी किंवा कामगार यांच्यासाठी उपयुक्त आहे. हा सिलेंडर हलका आणि पोर्टेबल आहे.
‘छोटू’ LPG सिलेंडर हा पारंपरिक गॅस सिस्टमला एक स्मार्ट पर्याय म्हणून पुढे येत आहे. बुकिंगची वाट न पाहता, थेट खरेदी करून वापरण्याची सुविधा ही त्याची मोठी ताकद आहे.
