मोठी दुर्घटना : गंगा नदीत बोट उलटली; चार महिलांचा मृत्‍यू, २५ हून अधिक बेपत्ता

पुढारी ऑनलाईन डेस्‍क : उत्तर प्रदेशमधील बलिया जिल्‍ह्यात आज सकाळी गंगा नदीत बोट उलटल्याने मोठी दुर्घटना घडली. या अपघातात चार महिलांचा बुडून मृत्‍यू झाला असून २५ हून अधिक जण बेपत्ता आहेत. अपघातावेळी बोटीत ५० हून अधिक जण हाेते, अशी प्राथमिक माहिती मिळत आहे.

सोमवारी मुंडन संस्कार कार्यक्रमासाठी ५० जण बाेटीतून जात हाेते. मालदेपूर मोदजवळ हैबतपूर घाटात गंगा नदीत बोट उलटली. प्रशासनासह स्थानिक लोकांनी तत्‍काळ बचावकार्य सुरु केले असून येथील पूल वाहतुकीसाठी बंद करण्यात आला आहे. सीएमएस जिल्हा रुग्णालयाच्‍या सूत्रांनी दिलेल्‍या माहितीनुसार या दुर्घटनेत चार महिलांचा मृत्यू झाला आहे. युध्दपातळीवर ‍‍बचावकार्य सुरू आहे.

हेही वाचा : 

• अश्‍लील मेसेजसह धमकी मिळत असल्‍याचा समीर वानखेडेंचा दावा, विशेष सुरक्षेची मागणी
• Jayant Patil ED Summons : ईडी चौकशी पूर्वी जयंत पाटील यांच सुचक वक्तव्य, म्हणाले, "विरोधकांना…"
• कुत्रा भुंकू लागला अन्.. केळ्यांच्या घडांमधून जे समाेर आले ते पाहून पाेलिसही चक्रावले